قوللى يابا هو ايه اللى حصل !
بنزرع البطيخ يطلع لنا بصل !
وكلام الناس طنين زى النحل
واللسان خلط السم فى العسل
***
حلفتك تقوللى الحقيقة ياخال
الناس ليه نسيت للعزة موال !
اللسان بقى كوبرا ينفش سم
بالزور طنين عمال على بطال
***
ياعم خدنى معاك للشط التانى
الشط ده ياما حيرنى وسقانى
سألت عن المراكبى راح فين
قالولى غرق فى بحر الامانى
***
ياعم ياللى فى الطريق ماشى
علمنى اعمل ايه وماتنساشى
الشمس فى عز النهار طالعه
ابن الافعى يقول ماشفتهاشى
***
يامه ليه الميزان للحق انقلب !!
والنار مشعلله من غير حطب
وألم الندم آهاتى على امبارح
قالت الصبر موال عليك انكتب
***
تم أضافة تعليقك سوف يظهر بعد المراجعة