أعلن الفنان الشعبى سعد الصغير، انضمامه لفرقة "مسرح مصر"، فى الموسم الجديد، واعداً بتقديم موسم جيد مع زملائه بالفرقة، مضيفاً: "إن شاء الله موسم جديد مع حبايبى وإخواتى اللى هيكسروا الدنيا".
ووجه سعد الصغير الشكر للفنان أشرف عبد الباقى، قائلاً: "أحب أشكر أخويا وحبيبى أشرف عبد الباقى، حبيبى وش السعد من أيام فيلم لخمة راس.. حد محترم وفنان بمعنى الكلمة، وأحب أشكره على ترشيحه ليا فى مسرح مصر".
وفى السياق نفسه، حرص سعد الصغير، على الاحتفال مع زملائه بفرقة "مسرح مصر"، بعيد ميلاد الفنان أشرف عبد الباقى، ووجه له رسالة تهنئة قائلاً: "حبيبى وأخويا كل سنة وأنت طيب عشرة عمر كبيرة وحد محترم ومبدع وفنان كبير بجد.. كل سنة وأنت طيب يا حبيبى وعقبال مليون سنة يا رب".
سعد الصغير ينضم لمسرح مصر
سعد الصغير يهنئ أشرف عبد الباقى بعيد ميلاده
عدد الردود 0
بواسطة:
أمين لطفى
بداية الفشل
دخول سعد الصغير بداية فشل مسرح مصر وتفككه لانه كراقصة .موجود ويزو.طب مطرب ودا مش محتاجينه .لكن موجود حامد .سعد خفيف وأرعن والمسرح للضحك مش لامؤاخذة سعد
عدد الردود 0
بواسطة:
وائل
اختلف مع الاستاذ امين في الرأي
سعد مرتبط للاسف بالاسفاف بتاع الافلام اللي قدمها لكن هو كشخص دمه خفيف وفرقته الاستعراضية بيرقصوا بخفه دم زيه يعني مثلا دوره في تمثيلية دلع بنات مع محمد امام كان دمه خفيف جدا واللقطة اللي طلع فيها بفرقته في فيلم الانسه مامي مع ياسمين عبد العزيز برضه كان دمه خفيف القصد انه دمه خفيف بعيدآ عن اي قلة ادب واشرف عبد الباقي انسان محترم واكيد مش هيسمح بأي شيء خارج كما عودنا مع فرقته ...انا بحب مسرح مصر جدا لانه مساحه للضحك النظيف وبزعل لما حد منهم بيخرج عن النص لحاجة فيها قلة ادب ( للاسف ابن مصطفى متولي ساعات بتفلت منه على سبيل المثال )