خالد صلاح

بعد 40 سنة زواج.. مٌسنة تطلب الخلع:"طلع معاش وقاعد فى البيت بلا عمل"

الأربعاء، 12 سبتمبر 2018 03:30 ص
بعد 40 سنة زواج.. مٌسنة تطلب الخلع:"طلع معاش وقاعد فى البيت بلا عمل" محكمة الاسرة
كتب على عبد الرحمن
إضافة تعليق

40 عاما جمعتهما تحت سقف واحد فى عش الزوجية، فى كل يوم يذهبا سويًا كلا إلى عمله، لم يعكر صفو هذه العلاقة أى شائبة، سوى بعض المناوشات الطبيعية بين أى زوجين.

ولكن بعد بلوغ الزوج السن القانونية للمعاش وإحالته بالفعل إلى التقاعد، لم يجد مفرًا من الجلوس فى المنزل والاعتماد على المعاش الشهرى الذى يحصل عليه من جهة عمله، ولكن بدأت الزوجة تضجر من كثرة جلوس زوجها فى المنزل.

تحكى "ن.س" معاناتها فى دعواها أمام محكمة الأسرة بحلوان، والتى طالبت فيها بحقها فى تطليقها خلعًا بعد 40 عامًا من الزواج، قائلة:"لم أعتد على جلوسه الدائم فى المنزل، كما أننى أخشى عليه من الوحدة فنحن لم نرزق بأبناء ويجلس بمفرده فى المنزل يوميا حتى عودتى من العمل"

وتضيف الزوجة فى دعواها:"تزوجنا منذ 40 عاما وقبل 5 سنوات أحيل للمعاش فى وظيفته ومن يومها وهو يجلس فى المنزل وعرضت عليه العمل فى أى مجال خاص أو حتى فتح مشروع خاص به لكنه يرفض دائما وأنا لم أعد احتمل العمل فكيف لنا أن ننفق على أنفسنا ومرتبى ومعاشه لا يكفيان".


إضافة تعليق




التعليقات 8

عدد الردود 0

بواسطة:

حماده

تناقض غريب ... ولكن ؟

الراجل طلع معاش .. يتقاضي معاش شهري .. أي نعم في الغالب يكون هذا المعاش بسيط .. ولكن ليس منطقيا .. أن يكره هذا الزوج علي ممارسة عمل آخر .. دون رغبته .. لأنه ظل يعمل طيلة أربعون عاما .. وهذه مده ليست بالقليله .. يعني الراجل كده أفني عمره في العمل ولم يقصّر .. حتي خرج علي المعاش .. يعني بالعربي كده .. هو يمكن عايز يستريح فلا نكره علي العمل في أي وظيفه .. أو في مشروع تجاري .. الزوجه تعمل ومازالت بالخدمه .. و تقول نهما لم يكن لهما ذريهمن الأولاد .. وطبعا ده بمشيئة الله .. طيب مرتب هذه الزوجه + معاش زوجها .. ومفيش أولاد .. يعني المصاريف برضه بسيطه .. أنا شايف أن الرجل من حقه أن يستريح .. من مشقة أي عمل جديد .. بعد خروجه علي المعاش .. والتناقض هنا .. أن الزوجه تتضرّر من تواجده الدايم في المنزل وعدم خروجه .. طيب ياسيّدتي .. اليس خروجه هذا سيضيف مصاريف جديده .. مثال شرب فنجان قهوه أو شاي .. أو عزم صديق له في منطقة سكنكم .. عزمه علي فنجان قهوه أو شاي .. كيف لك أن تقبلي ذلك .. وفي ذات الوقت حضرتك تشكي من قلة دخلكما معا ( مرتب حضرتك + معاش زوجك ) .. معذرة .. أنا شايف هنا وجه التناقض .. أما مسألة خوفك عليه من الوحده داخل المنزل .. فيمكن الأطمئنان عليه بالتليفون الأرضي ان وجد .. أو حتي بالمحمول .. ولو مره أثناء تواجدك بالعمل .. لحين عودتك الي المنزل .. وعموما أيتها الزوجه .. لك الحريه في البقاء في عش الزوجيه الطويل هذا .. مع رفيق عمرك .. والأستمرار في جلسات قضية الخلع .. حتي صدور الحكم بالخلع .. من محكمة الأسره .. انشر يايوم السابع .. لوسمحّت .. مع خالص تحياتي -

عدد الردود 0

بواسطة:

بنت مصرية

مسألة فلوس !!

القصة مش انك قلقانة عليه من الوحدة ولا صعبان عليكى قعدته لوحده فى البيت لحد ما ترجعى من الشغل , لأن أكيد المشكلة دى مش حلها انك تخلعيه وتسيبيه لوحده ليل نهار !! القصة وما فيها انه بعد خروجه للمعاش معاشه أصبح أقل من مرتبه وبالتالى مبقاش مغطى تكاليف المعيشة , وأصبحتى حاسة ان انتى اللى بتصرفى عليه , والوضع ده مبقاش عاجبك !! فعرضتى عيه ينزل يشتغل !! يعنى ببساطة مطلوب منه انه ينزل يشتغل وهو 65 سنة !! لو كان قادر على العمل فى السن دى مكانتش الدولة طلعته معاش !! هو مطلوب منه يفضل يشتغل لحد يوم وفاته !! يا ستى خلى عندك رحمة !! ثم ماهى كلها فركة كعب وتطلعى انتى كمان معاش , يا ترى وقتها هتنزلى انتى كمان تشتغلى !! والله انا مش عارفة اقولك ايه , عموما الحياة الزوجية مش بالعافية , عاوزة تتطلقى أو تخلعى ده حقك مقلناش حاجة , لكن أسبابك للطلاق او الخلع زوجك ملوش ذنب فيها , مش هو اللى خلا معاشه يبقى نص مرتبه !! ولا هو اللى خلا الأسعار تركب صاروخ والفلوس تتبخر كأنها كحول , وبعد 40 سنة عشرة بينكم كان مفروض انكم تكملوا مع بعض على الحلوة والمرة , مش أول ما الفلوس تزنق معاكم تطلبى الخلع !! امال الشباب اللى فى سن ولادكم يعملوا ايه !!

عدد الردود 0

بواسطة:

مصطفى

40 سنة راحو على الارض

الى هذا الحد ممكن يكون فية ناس تنكر العشرة واللة دة الواحد لو عندة كرسى فى البيت بقالة 40 سنة ويحمل كل ذكرياتة مش حيفرط فية *** الى كل انسان لم يبلغ ال60 اعمل حساب هذا اليوم ولا تبالغ فى العطاء حتى لا تندم بعد فوات الاوان

عدد الردود 0

بواسطة:

ياسر

انتم اثنين فقط و بدون اولاد

و متضررة من ان معاشه و مرتبك لا يكيفكم و اللى عندهم اولاد و لا ظيفة ثابته لهم و عايشين يوم بيوم يعملوا ايه رسالة للمسؤلين

عدد الردود 0

بواسطة:

عصام

قلة اصل والله

يعني انتي بعد 40 سنه!!! شقيان وتعبان عشانك وعشان عايز يرتاح اليومين اللي فاضلين في عمره عايزاه يشقي ويتعب يا شيخه حرام عليكي اتقي الله في نفسك قبل جوزك !!فعلا منتهي قلة الاصل.

عدد الردود 0

بواسطة:

محمود اسماعيل

عيب عليكم يانساء العصر

الله يخرب التليفزيون والقصص اللى خربت عقول النساء وجعلتهم متنمرين

عدد الردود 0

بواسطة:

نوسه

الراجل كبر ولم يعد فى مقدوره العطاء

هذا هو السر فى طلب الخلع وليس النقود . ( قلة الاصل )

عدد الردود 0

بواسطة:

محسن محمد

قله اصل

لا حول ولا قوة إلا بالله العلي العظيم

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة