فيسبوك
واتساب
يا ناس اختشوا وخللوا عندكم دم
ليه بتنكشوا وتنعكشوا فى الغم
دى أرواحنا آخرها بس نقطة دم
وكتافنا شايلة فوق طاقتها وفوق الهم هم
ليه نضيق الدايرة وليه نهبش فى بعض
دى الدنيا دى خايبة لو عشنا فيها البُعد
جذورنا متنية ومدفونة تحت الأرض
وقلوبنا محنية والحب واخد طرد
مش برده فى وصية، يا ناس نحب بعض
دى الدنيا دى وسية وهنسيبها فرد فرد
وبكره تتقابل أرواحنا يوم العرض
والكل هيجاوب عملنا إيه فى الأرض .
