فيسبوك
واتساب
عارف يعنى إيه معنى وطن
يعنى شارع رجلك مشيت عليه
يعنى جار صبحت فى يوم عليه
يعنى بيت عشت وأكلت فيه
يعنى سرير نمت وحلمت فيه
يعنى حبيب شافته فى يوم عنيك
يعنى أصحاب حبتهم وحبوك
يعنى أهل وأحباب وقت الشدة سندوك
يعنى أخواتك وأمك وأبوك
يعنى خروجة وفسحة مع اللى بيحبوك
يعنى حضانة ومدرسة وجامعة بتبنيك
يعنى جيش واقف على الحدود يحميك
يعنى لما تضيق عليك ألف أيد تطبطب عليك
يعنى امبارح كان ليك وبكرة لولادك بعديك
عرفت يعنى إيه وطن ولا أقول كمان....
