فيسبوك
واتساب
ساكتة ليه مبترديش
هوا انتى آسية مبتحسيش
عملت نفسى ليكى درويش
وقفلت عليكى بضبة وشيش
وقلت لقلبى بيها تعيش
راضى بحالى وحالى مفيش
ساكتة ليه مبترديش
امك عامله فيها شاويش
واقف حارس جنب النيش
وهيا يا عينى زى الريش
تنفخى فيه يطير ويهيش
ساكته ليه مبترديش
جوازة وكانت زى الفيش
بصمة ف بصمة وشعر كنيش
صورة ورسمة جوة الجيش
قسمت قسمة وبرغيف عيش
بعتى حياتنا وراح درويش
ساكتة ليه مبترديش
حلم وكان زى افيش
فيلم جنان للحرافيش
دومنه ولعبة يك وبيش
انتوا خسرتم وأنا راح اعيش
ساكتة ليه مبترديش
روحى لحالك متتعبنيش
ادى جمالك منفعكيش
مالى ومالك يلا مفيش
همى وهمك راح بقشيش
روحى عند أمك
كده بشويش
يحرق دمك زى الهيش
