لما يبقي جوا منك قلب عمره م اتكسرش
لما يجي فلان يسيبك حتي انه مفتكرش
لقمة كانت يومها بينكوا
قهوة بردت لما كنتوا
سهرانين والجو برد
متعاتبش
لما يجرح فيك يهينك
يأذي فيك قدام عينيك
يخترع ألف حكاية
كل واحدة صدمة ليك
يجي يوم والتاني بعده
يجي هو ليك يقول
سيبك كبر م اللي فات
كل زعلة ليك تغور
ببتسم من رد فعله
يفتكر إني صفيت
متعاتبش
حد حبك وف ثواني ساب إيديك
شوفته يوم مع حد غيرك
حبه ليك قدام عينيك
متعاتبش
لما حد يسوءه ظنه
ويعاملك كما رآه
لما حد ينسي إنك
كنت قاعد يوم معاه
سهرانين ف ماتش كورة
ده هيكسب لا ده مين
أنا اللي هاخد بطولة
لما كان فيه امتحان
كنا بنذاكر كتير
هو يحفظ طب يقول
يابني ده مكاني سفير
طب ياعم خلاص عرفنا
إني مش زيك بصم
بس اختلافي عنك
إني مش بحفظ ده فهم
بعد حفلة التخرج
هاجي أقابلك بالخصوص
هكتشف لو كنت ناسي
أو فاكرني م الدروس
متعاتبش
لما ساعتها اليوم ده يجي
وتلاقيه ناسيك بجد
حتي إنه مفتكرش
إنه كان مش أي حد
متعاتبش
لما كل يوم بتسأل
فيس انستا شات وواتس
أما هو مش ف باله
غير تغيير حالته وبس
لما تفتكره ف مواقف
كنتوا فيها مختلفين
بس ف الآخر بيظهر
هو وانت متفقين
بس ده كله كان عليك
لما وقتها افتكرته
هو أصلاً كان ناسيك
بس انت كنت اخترته
تم أضافة تعليقك سوف يظهر بعد المراجعة