بايعة ليه نفسك لناس مش باقية ليكي
فين كرامتك واكتفائك
فين غرورك كبريائك
قابله ليه تكوني احتمال
مش شئ اكيد
قابله ليه تعيشي في كلام
قابله قلبك في حكايات
قابلة طايش يمحي قلبك مالأساس
كنتي عارفه ان النهاية قريبة
عشتي وهم ولسة تاني مكملة
عشتي كدب ولسه بردو حنينة
اصحي فوقي . النهاية قريبة
صدقيني انتي عايشة في دور ملاك
ليه عيونك كل ليلة عايزة تبكي
ليه عتابك كل ليلة مش ناسيكي
حتي أمك في الغياب تصعب عليكي
انتي خنتي ناس كتير...
خنتي اهلك
خنتي نفسك
خنتي دينك
اللي علمك السلام
عيشتي وهم انك تكوني انتي الحلال
باختصار .. انتي الشمال
انتي الطريق اللي ملهوش امان
انتي الضحية ..وانتي البديل
انتي الباقية وقت الحنين
انتي اللي كل أصحابه في السيرة جابوكي
وبهزار وبضحك كانوا يقلدوكي
انتي الغبية عشان تحبي اللي رموكي
متفكريش أنه ملاك المعجزات
متفكريش انتي الوحيدة اللي في حياته
ومتصدقيش
متصدقيش وعوده وحلفناته
مش هقولك نظرة عيون الناس ليكي ايه
بس اللي فاضل مني ليكي
بأختصار ووضوح شديد
كل اللي بيقولك بحبك
غرضه فيكي مش شريف
عارفه معني الحب ايه ؟
عارفه معني الحب أيه ؟
انسان شاريكي باللي فيكي
عمره مافي يوم جه عليكي
عايزك تكوني غالية جدا
عايز يفتخر أنه ليكي
عايز يشوفك كل يوم ساجده لربك
مانع دموعك مالزعل تنزل لأهلك
انسان يكون بيخاف لربك
يفضل محافظ علي حيائك وقلبك
يفضل مكمل الطريق مهما حصلك
عمره ما هيقبل يشوفك في الغلط حطه اديكي
عمره ماهيقدر يأمن في الحياه غيره عليكي
انسان هدفه النور والحلال يكون بداية حبه ليكي
باختصار عايز يكمل عمره ليكي
يكون الحياه لقلبك ولعنيكي
الحب ده شئ جميل للي فاهم ايه وجوده
اللي فاهم امتي يبكي عل ضاع واللي فاهم امتي يشكي عل الباع
للي فاهم أن الرجولة دق باب
واللي عايز يثبت لأهله مين الطايش والجبان
انسي انك حبتيه
انسي عمرك راح عليه
انسي قلبك باللي فيه
وانسي كل كلامي عادي
وفكري بعقلك أكيد
في دليل انك غلطتي
وفي امل انك تعدي
وفي حنين .. لسه باقي للي جاي
الحب ، الزواج ، الارتباط
