أرسل القارئ ناصر مصطفى محمد ، لخدمة صحافة المواطن قصيدة شعر من تأليفه، يظهر به حبه للوطن بكلمات معبرة ، تحت عنوان "مصر دايمة ليوم الدين".
وتقول كلمات القصيدة:
مصر دايمة ليوم الدين
فاضلة وباقية بيكم يا مصريين
ارفع راسك خد قلمك وامسك كراسك
واكتب عليها : ( احنا متعلمين )
مصر دايمة ليوم الدين
اللي بانيها لسه فيها
انتا عارف ليه مصر لسه باقية ؟
عشان ربك حاميها
عشان في سينا كل يوم رجاله بتموت فدى ليها
بيكتبوا بدمهم بطولة عشان ينام في أمان أهاليها
أم تبكى وأب ربى
يكبر الواد حامي ترابها وأراضيها
روحه راحت فدا بلده
هي دي التضحية بأسمى معانيها
انت عارف ليه بلدنا لسه باقية ؟
عشان ربك حاميها
عشان الأنبيا جم لأراضيها
وربك تجلى لنبيه موسى عليها
أيوه سينا كان التجلي فيها
بعد ده كله تفتكر مش هنحميها !!
داحنا كلنا نموت فدى ليها
داحنا كلنا بأرواحنا نحميها
داحنا بأدينا نعليها
يا أم الشهيد أني عارف إن ابنك غالي
لكن والله ما في شئ في الكون يغلى عليها
يا أم الشهيد ابنك بطل
مارضيش الخونة تعتب أرض مصر برجليها
قام ودافع وجاهد وراح فدى ليها
مصر مش هتضيع مصر مش هتضيع
انت عارف ليه مصر لسه باقية ؟
انت عارف ليه مصر لسه باقية ؟
علشان ربك حاميها
النيل بيرويها وبيضلل عليها
وجيشها بإذن الله منصور على أعاديها
بلدي يا أم الدنيا يا أم الدنيا
ياللي اتعلمت ديني فيها
ياللي من نيلها أتوضيت
ياللي دفنتي _ إن شاء الله _ فيها
بلدنا غالية يا مصريين
وهيا مكانا وروحنا فيها
فيارب ، يارب بارك في مصر وأهاليها
يارب احفظ مصر وضواحيها
انت عارف ليه مصر لسه باقية ؟
عشان ربك_ ليوم الدين_ حاميها .
تم أضافة تعليقك سوف يظهر بعد المراجعة