سلامتك يا صاحبى م الألم ....
من الدموع
سلمتك م الندم .....
من الشعور بالغدر أو بالخيانة .
سلامتك وألف مليوووون سلامة
سلامتك م اللى كانوا بيضحكوا وجوه قلوبهم ساكنة الندالة ....
أوعى تندم ...
أوعى تحزن ..
الذنب مش ذنبك
بياض القلوب عمره ما كان عيب فى الديانة .
وأوعى تزعل ع اللى ساب
اللى خد فى وشه و معملش لزعلك حساب....
و أوعى تزعل حتى من نفسك ....
أوعى تلومها ...
كل الحكاية يوم ما حبت ...
يوم ما سامحت ...
يوم ما عرفت ...
أكيد ماكنش يومهما
فعشان كده أوعاك تلومها
أوعى أشوفك تشتكى .
دى شكوتك بتحرق فؤادى وجـثـتى ...
خليك تقيل إضحك وقول طب وماله ...
لو هو خان أنا لسه راجل ومش مكانه ...
خليه يقاسى فى عزلته
وكفايه عليه
إن قيمته هتكون أقل من قيمة جزمته .....
سلامتك يا صاحبى وألف مليوووون سلامة
تم أضافة تعليقك سوف يظهر بعد المراجعة