بحبك ذكري جوايا
ولما اصحي علي رسالة
حبيبتي خليكي معايا
بحبك صورة شايفاها
وعاشقة لكل تفاصيلها
ولو روحك تغيب عني
بكون دايما بحنلها
يا صوت قلبي وتفكيري
ملامحك واخده تفاصيلي
ف نن العين انا شايلاك
واسمك مالي كشاكيلي
ولما اسمع كلام منك
ف قلبي يدق م الفرحة
واشوف بدلة وجرافته
وفستان أبيض عليه طرحة
يا شايلك ربنا ليا
لوقت الخير اكيد لينا
ودعوة أمي ف السجدة
ينور كل ليالينا
ف كل صلاة تصليها
وتدعيلي اكون وياك
وانا زيك اكيد بردو
حبيبي نفسي ابقي معاك
وكل مناسبة بتجيلي
وتعملي مفاجأة كمان
بكون اصلا يدوب طفلة
بتطنطط زي زمان
ولما ازعل تصالحني
واكون انا اللي غلطانة
وأقولك طب ده ليه يعني
ترد بصوت جميل جدا
لا يمكن انام وانتي زعلانه
ولما أكون مع صحابي
وفجأة الاقيك قدامي
بعلبة فيها شيكولاته وورد احمر ده علشاني
بقوم سائلة وبستغرب
ياروحي استحملي جناني
ووقت م تتصل بيا
وتبقي انت بقي مسافر
وارد عليك هترجعلي
عشانك انتي انا هعافر
انا سندك واوعي ف يوم
تخافي وتضعفي وتبكي
ولو مره زعلتي بجد
تيجي ليا انا تشكي
ولما تغير بقي عليا
وتتعصب اوام مني
ولما وقتها اصالحك
تقولي متبعديش عني
ده اصلا يعني انا ملكك
بحبك مهما زاد سنك
تم أضافة تعليقك سوف يظهر بعد المراجعة