مش عارف أفرح والحزن هدّني
فراق بيدبح وشوق بيهزني
انا فرحي رَوح من يوم ما سيبتني
مش قادر اصدق وغيابك هزني
لو كان بايدي اجيلك كنت عملتها
اللي في ايدي ادعيلك الجنة تخشها
من بعدك الشمس غابت ومش لاقي تاني حبيب
دموعي من عيني سالت والنار في قلبي لهيب
أصعب لحظة في حياتي هي لحظة الفراق
قلبي بيبكي ليلاتي ودمعي في عيني ساب
كان هو كل حاجة الدنيا والحياه
من بعده الدنيا ساده سكرها يا عيني آه
مش معايا بس حاسس كأني لسه معاه باعيش
قلبي ميت بس ذكرى حُبه هى اللى مخلياه يعيش
كان هو نفسي في المرايا كان هو صورتي في الحياة
كان حُبه كل الحكاية ودوايا في أي آه
كنت ادخل جوه حضنه يحسسني بالأمان
لما قلبي كان يضمُه كان بيسقيه الحنان
مش حب أي حاجة ده حب غالي ميتنسيش
ده انا لو نسيته لحظة واحدة هموت ساعتها ومش هاعيش .
