فيديو وصور.. بهيجة لم تر البهجة.. أبناؤها أيتام ووالدهم حى يرزق.. الحاجة انتصرت على التفوق العلمى وتسرب الأطفال من التعليم.. والأم تؤكد: "بقالنا 40 يوم ما بناكلش غير فول.. ولما العيال زهقت اشتريتلهم رجول فراخ"

لم نكن نتوقع يوما أن نجد فى هذا الزمان أسرة مكونة من 5 أفراد تعيش بـ400 جنيه، ومن المفترض أن تدفع منها 300 جنيه إيجار غرفة تؤيهم، أى أن صافى دخل هذه الأسرة 100 جنيه فقط، هذا بعيدا عن فواتير المياه والكهرباء والغاز.

الست بهيجة وأطفالها 

طعام الأطفال

فى منزل يئن مما عاناه على مر الزمن داخل إحدى الحوارى بمنطقة البصراوى بإمبابة تعيش أسرة الست بهيجة خلف أحمد البالغة من العمر 43 سنة مع أولادهها الأربعة داخل غرفة ملحق بها حمام وبعض الأساس المتهالك الذى عفا عليه الزمن.

محرر اليوم السابع مع أسرة الست بهيجة

فرش الغرفة

"والله بقالنا 40 يوم ما أكلناش غير فول ولما العيال زهقوا اشتريتلهم رجول فراخ والأنبوبة كانت فاضية واستلفت علشان اعبيها، وعلينا 3 شهور إيجار"، بهذه الكلمات بدأت بهيجة سرد قصة معاناتها مع أبنائها بعد أن طلقها زوجها، تقول الأم أنا مطلقة منذ 4 سنوات تقريبا، زوجى كان شايل حملنا بس بعد ما طلقنى ما بقاش فى عائل للأسرة.

محرر اليوم السابع مع أسرة الست بهيجة

واستطردت: بلغت فى القسم علشان أخد نفقة لولادى لكن لم يستدل على عنوانه وأهله قالوا إنه مش قاعد معاهم، ما كانش معايا فلوس أقوم محامى وارفع قضية علشان أخد حق أولادى وهو كمان حتى ما فكرش يجى يبص عليهم، فخرجت أولادى الاتنين من المدارس واحد كان فى أولى إعداى والتانى كان فى رابعة وكانوا متفوقين فى الدراسة، لكن ما باليد حيلة مكانش معايا فلوس علشان أوديهم المدارس وكان لازم حد يصرف على البيت.

غرفة الست بهيجة وأولادها

وأضافت: عمى كان بيصرف علينا لما كان بيشتغل بس هو دلوقتى محتاج لعملية فى عينه ومبقاش يشتغل لكن ربنا موجود، ابنى اللى عنده 13 سنة هو دلوقتى اللى متولى المسئولية بيطلع يشتغل أى حاجة وبيكسب فى الأسبوع حوالى 120 جنيها، ابنى الكبير عنده 15 سنة بس هو مش بيقدر يشتغل علشان هو تعبان بالقلب، أقل مجهود بيبقى مش قادر ياخد نفسه ووديته للدكتور وقالى أنه عنده صمام فى القلب وطلب منا أشعة بس ما قدرناش نعملها فسكتنا على كده.

وتابعت: الولد الصغير كمان عنده حساسية فى الصرد وبداية إصابة بفيروس سى "الكبدى الوبائى واتحجزت بيه أكتر من مرة فى المستشفى، اتحجز مرة اسبوعين ومرة شهر فى مستشفى الحميات بإمبابة، مش بحتفظ بتقارير ولا روشتات علشان كده كده مش بقدر اشترى علاج ولا عمل أشعة.

وأكملت: أنا قدمت على المعاش أكثر من مرة لكن للأسف اسمى ماطلعش خالص مش محتاجة غير إنى اقدر أربى ولادى وأعالجهم بس.

للتواصل مع الحالة والمساعدة: 01287848771

الست بهيجة وأطفالها

الست بهيجة وأطفالها

صورة البطاقة

شهادة تقدير للطفل شهاب