خالد صلاح

محمد زكريا حبيشى يكتب: دكتور زيفاجو

الخميس، 12 يوليه 2018 08:00 ص
محمد زكريا حبيشى يكتب: دكتور زيفاجو رجل حزين - صورة أرشيفية
إضافة تعليق

) لارا ) الجميلة الساحرة

)دكتور زيفاجو ) بـ يعشقك

 من قرن فات

ثوار وطالبين العدالة وبعدها

داقوا المهانة والشتات

كان اهتمامهم بـ الوطن

و(البلشفية ) تنتصر

وانا همى كان

أفضل قُصاد عينك يا (لارا )

 ليلة واحده أو ساعات

والثوره جايه جايه من بطن الغروب

إفتينى فى رؤيايا يا (لارا ) قوام

خلينى أتنفس هوىَ جوه الحروب

ويا دوب عليا نظرتك

تحمينى من شر البشر

وتكون لى ملجأ أو وطن

وقت الهروب

 

 

قلبك يا (لارا ) مُجنزره ويا الغريب

لكن معايا ناى بـ يعزف بـ الساعات

بـ نسى همومى فـ حضرته وقت المغيب

و بلاقى روح مستسلمه جواه تبات

و أنوثه فيكِ بـ تختلف عن كل شئ

و الطبع درب من الوفا ومن المُحال

و الرقه فيكِ مُعجزه إحساس برئ

و الرمش جيش مليان حرس فوق التلال

 

 طبع الجليد يا (لارا ) مش من طبعنا

رغم الجليد بيغطى بيتنا بـ الألم

كل الظروف ماشيه تملى ضدنا

و تلمنا أشواق مكانها كان عدم

 

) لارا ) تعالى مره نرحل عن عيون

ماسكه سيوف وبتقطع الحلم الكبير

 

الله محبه بس ليه بعض البشر

ى تلذذوا فـ جروحنا ليه

و لا يوم بـ يتمنولنا خير

يا لله يا (لارا ) نطوف حوارى نَفسنا

و نعيش حياة المستحيل

و مفيش بديل غير الأمل

 نسند عليه والقرب أكتر من كده

هيكون معاه أكبر دليل

لكن يا (لارا ) الموت سَبقنا كان جرئ

ما رحمشى لحظه إشتياق

واقف وسادد بينا أكتر من طريق

كاتب علينا ندوق فراق

الموت يا (لارا ) خطفنى منك من سكات

 ما فضلشى منى حاجهليكِ غير أهات

فـ استحملى الفُرقه لوحدك واكتبي

 فوق قبرى لما أندفن

(دكتور زيفاجو ) حَبني

 

لكنه ساب قلبى وحيد

مدفون فـ حضن الزكريات

(دكتور زيفاجو ) حُبني

لكنه سابنى خلاص ومات


إضافة تعليق




لا تفوتك
لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة