قال تركى آل الشيخ رئيس الهيئة العامة للرياضة في المملكة العربية السعودية أن محمود الخطيب رئيس مجلس إدارة النادى الأهلى هو من طلب التعاقد مع أحمد الشناوى حارس الزمالك بالاسم بوجود خالد أبو بكروشخصية كبيرة فى اتحاد الكرة، مشيرا إلى أن اللى زعله أنه لما وصل الشناوى انسحي الكابتن الخطيب معللا الأمر أن اللاعب من بورسعيد ، يبقى نطلبه من الأساس وهذا اللى دخلنا فى مشكلة مع المستشار مرتضى منصور.
أضاف آل الشيخ فى مداخلة هاتفية مع أحمد شوبير ببرنامج "مع شوبير" بقناة صدى البلد: "أتحدث بوضوح للمرة الأخيرة، فتركى آل الشيخ لا يخضع للابتزاز أو الضغط أو تغيير الكلام أو قلة الأدب فى الإعلام أو على السوشيال ميديا، فلماذا الزج باسم نادى بيراميدز فى فشل صفقة انتقال وليد أزارو للدورى الصينى".
وقال رئيس هيئة الرياضة السعودية "فى موضوع صلة تدخلت جهات فى مصر لها كل الاحترام والتقدير ولو طلبت ناصر ابنى مش هاقصر معاها، وهذه الجهات طلبت الاستمرار فى رعاية صلة للنادى بناء على خطاب وإلحاح من مجلس إدارة الأهلى.
تابع رئيس الهيئة العامة للرياضة في المملكة العربية : "مشكلة العصابة الموجودة فى مجلس الأهلى عندما كنت موجودا كرئيس شرفى للنادى الأهلى وقبل انسحابى كانوا يضعوننى شماعة لأخطائهم ، وفى صفقة صلاح محسن اللى أحزنهم أنى أنهيت الصفقة عن طريقى، وأنت يا كابتن شوبير كان ليك دور فى إنهاء الصفقة، مضيفا: فيه ناس ليها 30 أو 40 سنة فى الصفقات بس أنا شايف طريقتها غير مفيدة .
وأضاف الشيخ تركى آل الشيخ ، أعضاء بمجلس الأهلى بيحملونى فشلهم فى موضوع جوميز وآزارو ، فين جوميز حاليا ، هل تعاقد مع أى ناد سعودى ، طبعا لا ، كمان بيحملونى فشل صفقة آزارو ، وقالوا أن النادى الصينى كوبرى لعودته إلى نادى بيراميدز ، أزاى والنادى مكتمل الأجانب، أنا ما عنديش مدير تعاقدات كان بيتفسح فى روسيا ورجع يحط شماعات لأخطائه.
وأضاف الشيخ تركى آل الشيخ ، النقطة المهمة يا كابتن شوبير أنت قلت لى نصا فى روسيا أن الكابتن الخطيب وأعضاء بمجلس الأهلى يريدون الصلح ، وأنت شوفت رد فعلهم بعد مكالمتى السابقة معك، ولكن هذه عادتهم ، وفيه أعضاء بمجلس الأهلى بيتواصلوا معايا ومع أشخاص عندى سرا ، وبيصدروا الخطيب اللى أنا متأسف على اللى صار بينا ، والخطيب مغلوب على أمره ومضحوك عليه من ناس تحته بيسخنوه ومن وراه بيكلمونى وهدفهم السيطرة علشان معتقدين أنهم هياخدوا مكانه من بعده، وكل مجلس الإدارة والأعضاء تربطنى بهم علاقة كبيرة وجاءوا عندى فى الرياض ومصر، والعامرى كان موجود فى صفقة فتحى والقيعى كلم خالد أبو بكر وحاول يتصالح ولكنه يطلع يقول كلام تانى فى التليفزيون ويصدر دور البطولة ، يكفى زيف للجمهور، اللى يحز فى صدرى أن الأهلى هو المتضرر فى أزمة صلة وموضوع آزارو.
وانتقد تركى آل الشيخ بعض أعضاء مجلس إدارة الأهلى، وقال إنهم ذهبوا لحسن حمدى وتجار من الإخوان المسلمين علشان يعوضوا مبلغ رعاية صلة، واسأل هم كانوا فين قبل انسحاب صلة، فين محبتهم كمان أنا عايز الناس اللى عملوا أبطال بعد مداخلتى السابقة معاك هم فين، هو أنا هاخد القيم والمبادئ من محمد العدل ، هو مين محمد العدل ، ومين زكريا ناصف اللى الشيكات اللى عليه من هنا للسعودية .
وهاجم تركى آل الشيخ الكاتب الصحفى مجدى الجلاد وكل من هاجمه بعد مكالمته السابقة مع شوبير، مضيفا " سيبونا من الكلام والمهاترات، إحنا جايين نطور الرياضة فى وطننا العربى كله، وكله واضح وصريح أى شخص جاءنى فى الرياض أو جدة أو القاهرة استفاد على حساب النادى الأهلى فبلاش دور البطولة والشماعة
واختتم تركى آل الشيخ مداخلته مع شوبير ،صفحة الأهلى راحت بحلوها ومرها فكل واحد يركز فى ناديه ويادار مادخلك شر.
تم أضافة تعليقك سوف يظهر بعد المراجعة