أمانة ياولادى أمانة تقفوا لى وقفة رجالة
وتسيبوا فى روسيا علامة تفرحنى واتشرف بيها
وأمانة يا أبو مكة أمانة لتسجل من أول ثانية
أجوانك فى شباك العالم وتقول له أن أنا أم الدنيا
وأمانة اه يا سد يا عالى لتحافظ على الشبكة نظيفة
يا سعد ويا حجازى يا فتحى يا ولادى كلكم حريفة
بدعيلكم ربنا ينصركم واخواتكم جمبى بتدعيلكم
يحميكم من عين حسادكم وقادر ربنا ينصركم
أملنا متعلق بيكم وعلمنا واقف مستنى
يرفرف قدام العالم وتزورنا الفرحة على أيديكم
يا ولادى ربنا ينصركم وتيجولى بفرحة كبيرة
تشرفنى قدام العالم ويقولوا عليا عظيمة
