قارئة تشكو من تأخر صدور بطاقة التموين منذ سنتين بالقليوبية

اشتكت القارئة مروة علاء الدين مصطفى، من أهالى قرية القلج التابعة للخانكة بمحافظة القليوبية من تأخر بطاقة التموين الخاصة بزوجها.

وقالت القارئة، فى رسالتها لصحافة المواطن:" أنا بقالى سنتين مقدمة فصل لزوجى عن والده لإتاحة الفرصة لإضافتى على البطاقة أنا وأولادى، مع العلم أنى لست مضافة عند والدى، وفي الوحدة المحلية قالولى لازم زوجك ينفصل عن والده وبعدين تعملي بحث ليكى لإضافتك، وإن مفيش إضافة مواليد، إحنا دلوقت من شهر يناير أروح ويقولولى إن البطاقة عند الوزير وأنها خلاص بقت بطاقة رسمية، يعنى ازاي أفصل زوجى في سنتين عشان يطلعلي بطاقة، والله كل اللى يهمنى موضوع العيش احنا عاملين مرتب شهرى للعيش حرام بجد، وأروح الفرن أخد الرغيف بنصف جنيه عشان مش معايا بطاقة".

وناشدت القارئ المسئولين بوزارة التموين بالعمل على حل مشكلة أسرتها فى أقرب وقت ممكن.

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء.