لأنه عام 2018 ، لذا لا أحد يعترض على النساء اللواتى يعرفن أشياء عن كرة القدم أو يتحدثن عنها أو يشاهدن اللعبة، بل أصبحت المرأة لاعبة كرة قدم، ومؤخرا وجدنا بعض النماذج النسائية يشاركن فى اللعبة كمحكمات.
وتأتى مسابقة كأس العالم الحدث الكروى الأبرز فى العالم، بما يصحبها من أضواء، سواء من قبل اللاعبين أو المشجعين، لما لها من أهمية عالمية ، وعلى مدار السنوات تظل المرأة أو الجنس الناعم المشهد الأبرز فى مدرجات كأس العالم.
وبات التشجيع ومتابعة كرة القدم أمر أساسيا لمعظم الفتيات، سواء كانت ملمة بقواعد اللعبة أو حديثة العهد فى التشجيع، وهو الأمر الذى استدعى بعض الرجال لشرح قواعد اللعبة ربما بشكل ساخر للفتيات عبر مواقع التواصل الاجتماعى.
مشجعات بكأس العالم
فنجد أحد رواد موقع التواصل الاجتماعى "فيس بوك" ويدعى هيثم وجيه"، يحاول شرح قاعدة "الأوفسايد" على طريقة التسوق للفتيات قائلا :"بمناسبة كأس العالم, إليكى سيدتى شرح قاعدة الأوفسايد علشان ماتوجعيش دماغ اللى خلفونا.. لنفرض إنك فى Zara آخر يوم فى ال Sale.. كنتى تانى واحدة واقفة فى الطابور علشان تدفعى، وشفتى عند الكاشير الفستان اللى قلبتى الدنيا عليه ومالقيتيهوش.. وتقريبا فيه واحدة كانت هتشتريه وغيرت رأيها وسابته عند الكاشير وهى خارجة.. بس اللى بوظ فرحتك إن البنت اللى قدامك فى الطابور كانت بتبص على نفس الفستان وعينيها بتلمع وشكله عجبها.. بس لا إنتى ولا هى معاكوا فلوس زيادة.. وطبعا هيبقى هبل وقلة ذوق لو عديتى البنت اللى قدامك وروحتى وقفتى عند الكاشير.. وحاولتى تاخدي الفستان.. وإنتى معاكيش فلوس، صاحبتك اللى معاكى بس لسه بتقيس جوه شافتك وفهمت الموقف.. راحت مطلعة محفظتها وحاولت تحدفهالك بسرعة.. وفى الحالة دى قدامك حلين: يا إما تستنى المحفظة وتمسكيها وتعدى البنت وتشترى الفستان.. يا إما والمحفظة لسه فى طريقها ليكى فى الهوا تعدى البنت وتمسكى المحفظة عند الكاشير وبرضه تشترى الفستان".
وتابع هيثم قائلا :"بس أظن واضح حضرتك إن طول ما صاحبتك لسة ماسكة المحفظة فى إيدها.. ماينفعش حضرتك تعدى البنت اللى واقفة قدامك وتروحى عند الكاشير وأنتى لسه مامسكتيش الفلوس علشان هيبقى فيها إحراج ليكى.. ده غير إنك هتبقى أوفسايد".
شرح قاعدة الأوفسايد
النساء 2
وفى ظاهرة جديدة من نوعها تخلت المشجعات الإيرانيات عن العباءات السوداء، لنجدها فى مدرجات كأس العالم بروسيا مرتدية الملابس القصيرة وتهتف تشجيعا لمنتخبها، وهو ما حاز أعجاب رواد السوشيال ميديا ، والذين أكدوا أن الفضيلة ليست بالملابس أو الإجبار.
مشجعات إيرانيات
المشجعات الإيرانيات
واستطاعت المشجعات بمختلف جنسياتهم خطف الأنظار فى مدرجات كأس العالم بجمالهن، بل كل منهن يتسابقن فى الظهور بالزى الخاص ببلدهن.
مشجعات بكأس العالم
المشجعات بكأس العالم
تم أضافة تعليقك سوف يظهر بعد المراجعة