فيسبوك
واتساب
فى وقت الشدة فى عز آلامها ... ماسكة السبحة ليل ونهار
قاعدة تسبح للى خالقها.. حَمد وشكر واستغفار
اسمها نهر فوق فى الجَنة .. قلبها طيب كله حنان
حبيبة قلبى يا غالية يا عَمة ... ازاى أو فيكى بس كلام
سافرت روحها للى خالقها .. واخدة فى إيدها جبال حسنات
سايبة علامة بين حبايبها.. وبندعيلها فى الصلوات
فراقك صعب علينا يا غالية ... بس عزاءنا إنك فى أمان
كنتِ ملاك عايش فى الدنيا .. بس الجنة دى أحلى مكان
الدنيا أهى راحت أصلها فانية ... أما الجنة باقية زمان
وأنتِ أن شاء الله فيها يا عَمة ... فى صحبة طه العدنان
