فيسبوك
واتساب
تيجى نرسم القمر؟
بالريشة والألوان
دايرة بيضا جميلة
منورة الأركان
هو ده القمر فى عيونا
اللى بنشوفه من زمان
وبخيالنا سرحنا فيه
وياما حلمنا بيه
كل ليلة نبص له
وبسعادة نغنى ليه
ونتخيل ضحكته
وابتسامته الحلوة دى
وإنه بيبعت شعاعه
سنابل فضة ضفاير
لجل نمسكها بأيدينا
ونتمرجح زى أطفالنا الصغار
حلو الخيال وحلوة الأحلام
والقمر من فوقنا باسم
وإحنا لسة بنرسمه
له عيون وخدود ولازم
بسمته بتزين خدوده
وتسعد القلب الحزين
يلا نفرح فرحنا
فرحة لكل السنين
