فتاة حزينة - أرشيفية
مشاركة
ولا أنت كمان هتوحشها
يدوب أنفاس وهتعيشها
ومش فارقة.. تكون ذكرى
ف درج قساوتك المقفول
ومش لازم.. يكون بكرة
حقيقة حلمها المقتول
خلاص عرفت تكون زيك
خلاص خلعت عيون ضيك
فعيش وحدك
وسيبها تعيش
وخلى ما بينكو سطرين شعر
يجوز بكرة يعدى العمر
تقضّى الوقت من غيرها
وتهدى العوزة والحاجة
فعيش بيها ومن غيرها
خلاص مبقتش محتاجة
مشاركة
تم أضافة تعليقك سوف يظهر بعد المراجعة