تمكنت مباحث نفق الشهيد أحمد حمدى بالسويس من ضبط سيارة نقل بداخلها مخزن 96 كيلو من مخدر البانجو و 3 كيلو من مخدر الحشيش، خلال محاوله قائد السيارة المرور بها من النفق إلى محافظة السويس.
واكتشفت المخدرات داخل السيارة بعد تمكن الكلب المدرب " هيرو " من شم المخدرات، وبتفتيش السيارة عثر بداخلها على المخدرات.
تلقى العميد أسامة عبدالرحمن مدير إدارة نفق الشهيد أحمد حمدى تلقى اخطارا من الرائد أسامة مندوه رئيس مباحث النفق بضبط " م . أ م " قائد سيارة نقل يحاول تهريب مواد مخدرة داخل سيارة نقل عن طريق النفق إلى محافظة السويس.
وبقيام فريق من مباحث النفق بقيادة الرائد أسامة مندوه رئيس مباحث النفق والنقيب أحمد عبد الرحمن والنقيب أحمد عيسى بالفحص الشامل للسيارة النقل عثر بها على مخازن سريه بالسيارة بداخلها 96 كيلو من مخدر البانجو و 3 كيلو من مخدر الحشيش.
يذكر أن الكلب المدرب " هيرو "قام منذ عام باكتشاف وجود مواد مخدرة داخل سيارة قاضى بمحكمة وسيدة وسائق معه وتمت محاكمتهم أمام محكمة جنايات السويس وصدر ضدهم حكم قضائى بالسجن لمدة 25 عاما.
ضباط النفق مع الكلب هيرو
المواد المخدرة
عدد الردود 0
بواسطة:
منين نجيب الصبر
بركاتك يا هيرو انت شايف شغلك تمام التمام ولازم ترقيتك السنة اللى فاتت مسكت المستشار اياة بمخدراتة
طبعا اكيد عارفة المستشار طارق والسواق بتاعة والبنت لوتسينا--عموما جهز نفسك بقى على معركة تانية فى المحاكم حيث ان محامو دفاع المتهم هيدفع ببطلان اجراءات التفتيش وبعدم صلاحيتك لا للشم ولا للضبط وسيطلب عرضك على الطب الشرعى البيطرى لبيان مدى لياقتك وجاهزيتك للقيام بالمهام المنوطة اليك --خد بالك لازم تكون حريص--وتحية خاصة لرجال الشرطة الشرفاء --مش امناء الشرطة اللى بيسربوا معلومات للمهربين --مع تحيات منين نجيب الصبر
عدد الردود 0
بواسطة:
طرازان
🤔 فيه حاجه اتغيرت !!!!
فيه حاجه اتغيرت ايه هيه مش عارف ... الموازين و الا البني أدمين ... كنّا زمان نسمع 👂عن الحشيش و قرش الحشيش ... حتي وصل الامر انه بيبقي في حجم العدسايه علي رأي الفنان محمد توفيق العظيم الله يرحمه لما كان بيطلبها من فريد شوقي ... النهارده بقت بالكيلو و نصف طن و الطن ... ده احنا بنستهلك الحشيش اكتر من محشي الكرنب 😱
عدد الردود 0
بواسطة:
منين نجيب الصبر؟
عزيزى طرازان--بعد تحياتى وتقديرى--مفيش حاجة أتغيرت كلة على قديمة والكمية المضبوطة هى كمية جملة
وزمان نفس الشيئ التهريب يتم بكمية كبيرة--وبعد وصولة وتخزينة --يتم عمل المفرمة لة بمعنى تقطيعة الى تربة ومنة الى قروش ومنها الى --براغيت بلهجة أصحاب المهنة وبرغوت يعنى سنة وسنة تعنى رزاية والرزاية هى بحجم حبة الرز واقل شوية --وافلامنا الشهيرة القت الضوء على كل هذا ومنها الباطنية ومخدراتها وبكافة الانواع--ثم رصيف نمرة 5 الذى القى الضوء على الهيروين عندما كان يتم تهريبة فى أرجل الحمام ولم يستطيع قلم المخدرات والمباحث ضبطة الا عندما اصتاد ابن فريد شوقى فردة حمام منها والباقى طبعا كلنا عارفينة--لم يتغير شيئ على الاطلاق الذى تغير هو زيادة الكميات المهربة وطرق تهريبها--وزيادة المتعاطين لها والمدمرين للشباب ممن يتعامل بها أبتدأ من الحصاد فالتصنيع فأبتكار حيلة التهريب ثم الى التجار بالجملة ثم للتجزئة ثم الموزعين--ربنا يكفيك ويكفينا شر تدمير الصحة التى هى أمانة فى أعناقنا--والله العظيم عندى أمل تعديل بعد القوانين والمواد العقوبية لتشمل المتعاطى وبنصف مدة حبس المهربين ساعتها هيفكر المتعاطى مليون مرة فى أن يفكر مجرد يحلم بشلها مش تعاطيها ووقتها هتبور البضاعة وهيشربها مهربوها--أما عن تشبيها بالمحشى والكرنب فتشبيهك حنين خالص كان يجب تشبيها بالفول والطعمية والرغى اللى ملهوش أى لازمة فى الموبايلات--ولا انت اية رايك