يرفض مجلس إدارة نادى الزمالك برئاسة مرتضى منصور ، صرف باقى مستحقات إيهاب جلال المدير الفنى لفريق الكرة بعد إقالته مؤخرا عقب تراجع النتائج وتعيين خالد جلال بشكل مؤقت لحين التعاقد مع مدير فنى أجنبى .
كشف مصدر مسئول داخل نادى الزمالك أن إيهاب جلال لن يتقاضى مليما آخر من القلعة البيضاء بعد الرحيل كاشفا عن وجود كشف يتضمن غرامات موقعة على المدير الفنى نتيجة النتائج السلبية الأخيرة و توديع بطولة الكونفدرالية الأفريقية أمام فريق مغمور لم يكن على الساحة الكروية قبل مواجهة القلعة البيضاء .
أضاف المصدر أن عقد إيهاب جلال مع الزمالك لم يتضمن أى شروط جزائية على الطرفين بالفعل وبالتالى لن يتكلف أحد الأطراف سداد قيمة مالية للطرف الآخر بعد فسخ التعاقد بالتراضى .
عدد الردود 0
بواسطة:
مشمش
اللى اختشوا ماتوا يا ايهاب جلال...للعلم كان مرتبه الشهرى ٦٠٠ الف جنيه شهريا مثل الكابتن حسام البدرى
😣😎
عدد الردود 0
بواسطة:
م/ عاطف حجازى
ساعه تروح ... وساعه تيجي
أتمني مره واحده تثبت علي رأي ... مره إيهاب جلال بره النادي و مافيش متعلقات شخصيه هاياخدها من النادي ومره تانيه إيهاب جلال مدرب محترم ومؤدب والظروف ماخدمتوش وأخيرأ مالوش مستحقات وعليه غرامات وحبشتكات .... ..... إيه شغل البلطجه ده وفين أعضاء مجلس الإداره ومعاهم مشرف الكره اللي ماله حس ولا خبر ويمكن يكون مشرف كره السرعه هو فيه أكتر من كده إنهيار وكمان بيناشد الريس للتدخل وهو سبب الإنهيار
عدد الردود 0
بواسطة:
حب الدين
الوطنية والكرامة
مش بقولكم نادي الوطنية والكرامة لكن هي دي عادة متأصلة في بهدلة المدربين ةالعاملين فيه وحتي اللعيبة واعضاء النادي لهم غيه في انتخاب اللي يبهدلهم بالوطنية والكرامة
عدد الردود 0
بواسطة:
زملكاوي حزين
رفض إعطاء المستحقات يعني بلطجة
عموما دي مش اول مرة يعملها المدعو مرتضي منصور بدليل كم القضايا المرفوعة من المدربين الأجانب السابقين علي الزمالك وكلها في المحكمة الرياضية الدوليه ... اللي بيعملوا مرتضي منصور ده شغل بلطجة ويسيء للنادي العريق ولايسيء لشخصه المهتز نفسيا والمعروف عنه بذاءة اللسان ومخالفاته للقانون .. الزمالك يحتاج لرئيس ذو واجهة محترمة ومشرفه .. ارحل يامورتا فأنت سبب خراب الزمالك
عدد الردود 0
بواسطة:
mado medo
العقد شريعة المتعاقدين
لم يحصل محمود فتح الله علي مستحقاته من الزمالك الا بعد ان تكي الي اتحاد الكرة ، وغير ذلك ما كان قد حصل علي شيء واعتقد ان في اخرين لهم مستحقات. هذا ليس بجديد علي خبير القانون مرتضي منصور والذي يعرف يستغل ثغرات القانون مثل اي محامي شاطر زي فريد الديب مثلا ايهاب جلال كان لديه طموح لم يتحقق مع الزمالك وكيف يتحقق في وجود مرتضي؟؟؟؟\ تحية لحسن شحاتة الذي رفض بكل ادب تدريب الزمالك لانه اشترط الا يتدخل احد في عمله وطبعا مرتضي لن يقبل ذلك
عدد الردود 0
بواسطة:
kimo kimo
مفيش غرامات
يعني خيشه طلع كداب وطلع مفيش غرامات ياجماعه حد يسمع خيشه الاغنيه علشان يبطل يكدب
عدد الردود 0
بواسطة:
تيتو
الانهيار
لا والمصيبه انه بعد مايمشي اللي حييجي بعده حيغرز غرزه مالهاش قومه عشان كل الناس دي الفيفا حتنصرها ويرجعوا للنادي في المستقبل يطالبوا بفلوسهم وهو عارف كده كويس وبيلبس اللي بعده في الحيط عامل بس كل شويه يطلع يقول ممدوح عباس مدبسنا في فلوس أجوجو وغيره ، اللي حيمسك النادي بعد كده حيشوف ايّام سوده اقسم بالله وبكرر كلامي الباشا عارف كويس كده المهم هو يتعاقد مع ناس بالمليارات ويبلطج وسكه المحاكم طويله والديون دي علي النادي مش علي مرتضي شخصيا....... أنا اهلاوي بس شايف ان للأسف نادي الزمالك انهار لمده ٢٠ سنه قدام
عدد الردود 0
بواسطة:
محمد
ايهاب جلال عايز فلوس على ايه
ايهاب جلال عايز فلوس على ايه على خراب الفريق على الهزائم على فشله الزريع ده لا ينفع يدرب فريق درجه خامسه روح يا جلال واحمد ربنا على تدريبك الفاشل مع النادي الملكي نادي الزمالك.
عدد الردود 0
بواسطة:
محمد الصعيدي
أليس فيكم رجل رشيد
مثلما تنسب الانتصارات الى رئيس النادي كذلك الكوارث والمصائب تنسب الى المحامي مرتضى منصور والذين اختاروه لهذا المنصب يجنون الآن هم وغيرهم ثمن هذا الاختيار الخاطيء ولك الله يازمالك