حكايه احلى من كل الحكايات لكن الحكايه مفيهاش تبات ولانبات وماينفعش تتقال قبل النوم ، الحكايه علشان تتفهم محتاجه ناس صاحيين ، الحكايه عمرها كتير اوى يجى كده من اربع خمس تلاف سنه .
الحكايه لجندى فى الجيش المصرى ولد ملوش مثيل صحيح حمال اسيه ويبان اوى غلبان وبسيط لكنه بيتحول لوحش ساعة الجد والتنفيذ ، اصله من سلاله وعائلة كبيره اوى مبتنتهيش جده قائد عظيم واسمه رمسيس .
محارب فى كل العصور من ايام قادش واكتوبر 73 لحد حرب الارهاب الخسيس . سجل ومن اول الحكايه ياتاريخ ، سجل وعلم الدنيا كلها واكتب على الحيطان فى كل الشوارع وداخل كل البيوت سجل وقولهم ان الجيش عندنا قبل العيش .
وبصوت عالى قول للعيال فى المدارس النهاردة وكل يوم موضوع التعبير ها يكون عن الجيش ، ايوه عن الجيش وافتح يابنى انت وهو وهى كتاب التاريخ هانتكلم شوية عن الجيش ، لا مش هانتكلم شوية هانتكلم دايما عن الجيش .
وفى حصة الرسم هنرسم دبابة وعسكرى واقف جنبها وفى حصة الحساب هنحسب كام الف شهيد ومعركة على مدار التاريخ وفى طابور الصباح هنغني نشيد الجيش حتى الشنطة والكراسة والمسطرة هنطبع عليهم صورة بطل اصبح شهيد .
والعنوان على السبورة فى كل حصة وعلى يمين التاريخ هانكتبه جيش مصر اول واعظم جيش نظامي فى الارض بيحارب علشان بلدنا تعيش .
تم أضافة تعليقك سوف يظهر بعد المراجعة