فيسبوك
واتساب
مابتحبكش
مبتحسكش..
وقلبها عمره م اتمناك
بتضحكلك بتحضن فيك
وبتدوب م الكلام وعنيك !! .، ماهيش عاشقاك
بلمسة ايد وفرحة تزيد
ووتسابك مابيبطلش م ال تيت تيت
ده كله روتين.، مابتحبكش
بتكسب وقت مش اكتر
وبتفكر هتعمل ايه
وبتعيش الحياة ف صورة
بضحكة بس مكسورة
ده قلبها لسة مع غيرك
بتحلم بيه بتعشق فيه
بتتمنى ف حضنه تبات.،
وتبقاله ك أم وبنت وحبيبة
ووقت الجرح ك طبيبة
مابتحسش امان غير بيه
مابتشوفش فرح غير فيه
بتحكيله اللى جواها ...وبتخبيه
وبتشوف حلمها وياه وقدوتها
عشان بيكونلها بيتها
مابتحبكش ..مبتحسكش
مابتشوفش معاك احلام
كفاية وفوق من الأوهام
