عجبى جمالك ياصبية
تغزلت فيه المرايا
والشوق نصيبى وقسمتى
وأبتدى منين الحكاية
عابر سبيل حجتى
أشرب من نيلك كوباية
على بابك طالت وقفتى
حنى ياست الصبايا
ترتوى العين برؤيتك
والقلب يرقص من فرحته جوايا
يعلى ضجيج دقته
يفضحنى وسط الرجال
يقولوا راح الجدع
كان والله زين خيَّال
مُهرة بسمارها سحرته
ما فى كلام يتقال
زهد الجدع دنيته
لعيونها صار رحال
واللى اِبتلى بالهوى
سهم الهوى قتَّال
و أقول يا أهل الهوى
مافى فى جمالها جمال
الوجه مثل القمر
مايوصفه موال
متكحلة بالليل
ونجومه الخلخال
والشمس على صدرها
زادت بنورها دلال
ما لى حيلة فى حبها
أسد وصاده غزال
تم أضافة تعليقك سوف يظهر بعد المراجعة