أحمد العجمى شاب يبلغ من العمر 26 عاما تخرج من كلية الهندسة فى 2016، وعمل بمشروعات الإسكان الاجتماعى بدهشور مع مقاول بمرتب 3000 جنيه ثم ترك الهندسة وعمل ترزى حريمى.
أحمد وهو يعمل مهندسا
يحكى المهندس أحمد عن تغيير اتجاهه من الهندسة إلى الخياطة وظروف تغيير نمط حياته قائلا: أنا اشتغلت مهندس وكان مرتبى 3000 جنيه لم يكن هذا المبلغ يكفى مصاريفى اليومية وبنزين السيارة ذهابا إلى العمل وإيابا، وأنا شاب فى مقتبل العمر أحتاج إلى ادخار الأموال علشان أتزوج وافتح بيت ولو استمريت فى الهندسة ما كنتش هعمل حاجة.
وهو يعمل ترزى
ويضيف: أنا اتعلمت الخياطة من والدى والدى أساسا ترزى وعنده محل بالفيوم، اتعلمت منه أساسيات الصنعة، وكنت بشتغل معاه وبساعده، ولما دخلت الجامعة كنت ساكن فى حدائق الأهرام أجرت محل وكنت بشتغل فيه وأصرف على نفسى، وكمان كنت باخد كورسات فى الخياطة علشان أطور نفسى والحمد لله بقى فيه إقبال كبير عليا وعلى شغلى، أنا دلوقتى بيجينى دخل أضعاف اللى كنت هاخده من الهندسة.
وعن نظرة الناس يقول أحمد: كل الزبائن اللى بيجونى عارفين إن أنا خريج هندسة وبيقولولى يا باشمهندس والفئة اللى بتعامل معاها كلها ناس محترمة محدش بيقولى يا أسطى ولا حاجة.
صورة لأحد أعمال أحمد
تم أضافة تعليقك سوف يظهر بعد المراجعة