الله على قلوب
عايشه تتمنى الشهادة.
في الصفوف الأولى
فاتحه للموت صدورها
يفرحوا بيه وبزيادة .
والدم يبقى حنة الفرح
لما يلون الأفرول والبيادة .
و الأم اللي فارقت الضنى
جامدة و مؤمنة توزع الشربات
أوعى تقول القهوة سادة .
كل جندي واهب حياته للبلد
والدفاع عنها عبادة .
كل جندي مشتاق ليوم المعركة
كأنه يوم العيد ويقابله بسعادة .
الله على جيشك يامصر
طول عمرك ياغالية للرجال ولَّادة .
تم أضافة تعليقك سوف يظهر بعد المراجعة