يا صبر عم أيوب
صابر وراضى بالمكتوب
لا عاش فى الدنيا دى غالب
ولا لحاله كان مغلوب
يا صبر عم أيوب
بصره ضعيف لكن عفيف
على قد حاله من غير تزييف
بالجردل وعلى عكاز
ساعى وطالب رزق شريف
يا صبر عم أيوب
لا طالب حاجة ولا محتاج
والقعدة تعمل له ازعاج
يقول كفاية رضاه وستره
ولا يبين اى احتياج
يا صبر عم أيوب
وابتسامة وشه البشوش
يكسب قوته بعرق جبينه
مش بالتسول وحلق حوش
عنده ارادة وعزة نفس
فى الدنيا دى أغلى ما ليه
ولا يطلب حاجة لا بالعكس
نفسه غالية عزيزة عليه
يا صبر عم أيوب
وسط الناس عايش محبوب
بالأيمان على باب الله
على خطى سيدنا أيوب
