لك حق يا مصر تتباهى أن جيشك من الكبار، لأنه رمز العزة والافتخار، رجال عندهم عزيمة وإصرار، يوم ستة أكتوبر تحققت على إيده المعجزة عبر وقهر بقلب جسور، وحمى الأرض، وحافظ على العرض، والنصر أو الشهادة كانت هى الشعار، الكل بيه فخور، كسر شوكة العدو المغرور، كل جندى كان هدفه يمحو الهزيمة ويزيل العار، رجالة كانت حالفة على المصحف والإنجيل أنهم رايحين يجيبوا الانتصار، يا سلام عليكم يا جند مصر، يا خير الجنود يا نسور فى الجو وأسود فى البر، ووحوش فى البحر، دايما يا جيشنا منصور، من قديم الأزل تاريخ الانتصارات على المعابد محفور، العسكرية المصرية ودورها المعروف مليان بطولات تدعو للانبهار، طول عمرك يا مصر ولادة ورجالة جيشك الأحرار، يعرفوا يحموا أرضك من أى عدو غدار، بإذن الله فى زمانا ده هيقضوا على الإرهابيين والشر هيكون انكسر وغار.
يا جيشنا يا بطل ياللى عمرت الأرض البور، وبتقضى على الإرهاب من الجدور، يا حامى أرضك وأرض الغير، يا قدم السعد يا وش الخير، فى يوم النصر نردد ونقول: تعيشى يا مصر، نحط على قبر الجندى المجهول أجمل زهر، ربنا يحميك يا جيشنا يا غالى يا لسان الشعب وضميره ونبضه الحر، يا إللى أخبارك فى كل وقت تسر، وتحيا مصر، عقيده وميثاق شرف بافتخار، ده جيش الشعب اللى حما الثوره والثوار، وفى عهد الرئيس السيسى مصر فى اعلى مكان وسطعت شمس النهار، يحفظك يا جيشنا ويحمى قائدنا المغوار، اللى عايز مصر دائما فى الريادة وفية اخلاق الفرسان الاحرار،
تم أضافة تعليقك سوف يظهر بعد المراجعة