خالد صلاح
}

وليد صلاح الدين: الأهلى أخطأ بتمديد عقد السعيد.. ولماذا حضر غالى المفاوضات؟

الأربعاء، 14 مارس 2018 10:30 ص
وليد صلاح الدين: الأهلى أخطأ بتمديد عقد السعيد.. ولماذا حضر غالى المفاوضات؟ عبد الله السعيد
كتب فتحى الشافعى
إضافة تعليق

انتقد وليد صلاح الدين، نجم النادى الأهلى السابق، قرار تمديد عقد عبد الله السعيد، لاعب الأحمر، موضحاً أنه كان يتمنى عدم تمديد عقد اللاعب، بعد علم مسئولى الأهلي توقيعه للزمالك، مؤكداً أن هذا هو الحل الأفضل والأنسب والمتوافق مع مبادئ النادى.

وقال وليد صلاح الدين، خلال تقديمه حلقة برنامجه "استاد الهدف" عبر أثير إذاعة الشباب والرياضة، اليوم الأربعاء، "كان من المفترض ألا يمدد الأهلى عقد السعيد بعد علمه بتوقيع اللاعب للزمالك، خصوصا أن الأهلى لا يقف على أى لاعب مهما كان اسمه".

وأضاف نجم الأهلى السابق، "رغبة السعيد كانت الرحيل والحصول على مقابل مادى مرتفع، وهو ما تأكد بتوقيعه للزمالك، لذا كان يتوجب على الأهلى عدم تجديد عقد لاعب لم يشترِ النادى الأهلى من البداية".

وأكد صلاح الدين أن مسألة تجديد السعيد مختلفة تماما عن أحمد فتحى، الأخير تفاوض مع مسئولى الأهلى وضغط عليهم للحصول على مقابل مادى أكبر، بينما عبد الله ذهب للفريق المنافس وقام بالتوقيع له للحصول على مقابل مادى أكبر، وهذا حقه البحث عن مصلحته، لكن ليس من حقه التوقيع لأى نادٍ آخر إلا بعد انتهاء عقده".

وتابع صلاح الدين، "هناك نقطة أخرى أثارت استغرابى فى جلسة تمديد عقد السعيد، وهى حضور حسام غالى كابتن الفريق، مع احترامى لغالى، ولكنه ليس مسئولا فى النادى أو له علاقة بالتعاقدات حتى يحضر الجلسة، هذا الأمر غريب على النادى الأهلى".


إضافة تعليق




التعليقات 10

عدد الردود 0

بواسطة:

ابو مصطفي

التجديد لاسباب مالية !!

التجديد تم لاسباب مالية ياكابتن ،حتي يستفيد الاهلي من بيعه او اعارته ،بعدما لمعه الاهلي وعمل علي اظهار موهبته الكروية .ثانيا حرمان المنافس التقليدي منه بدون مقابل للنادي !!. الاهليابو لم يتخل عن مبادئه ،ولن يقف علي لاعب ايا كان ،بدليل عرضه للاعارة او البيع لكن بمعرفته!!.

عدد الردود 0

بواسطة:

enghesham

الخطيب..داهية

الخطيب..خده..ع..الهادي...وممد..عقده..وبعدين.عرضه.للبيع..عشان..النادي..يستفيد..ماديا..وبعدين..كده..حرقه..ادام..جماهير..مصر..كلها.

عدد الردود 0

بواسطة:

yasser

يستاهل

عبد الله السعيد يستاهل دلوقتى اللى يجراله ...من الأهلوية  لا هو صان العشرة والجميل للى خبوه وهربوه من الاسماعيلى ولا هو حافظ على وعده وعهده مع الزمالك ...الخائن سيظل خائنا مهما طال الزمن ..نهاية غير سعيدة للسعيد

عدد الردود 0

بواسطة:

سمسم

كلام محترم من لاعب محترم

مافعله الأهلى أساء للنادى، مثل من تزوج فتاة وفى يوم الصبحية ارسلها لبيت ابيها !!!

عدد الردود 0

بواسطة:

Sky

للاسف أخطا حقا الاهلي فوق الجميع

للاسف اخطا حقا       برافو ياخطيب ده الصح دي خيانة بيعوووه وجمدوووه الاهلي فوق الجمييييع ورجاء خاص لازم تجميده ويحرم من اللعب باسم الاهلي زي ماتلاعب بالاهلي تجمييييييييييييييد للبييييع

عدد الردود 0

بواسطة:

Nour elshams

إدارة محترفة بمعنى الكلمة

لا بالعكس الاهلى ضرب كل العصافير بحجر واحد إدارة تستحق الاحترام

عدد الردود 0

بواسطة:

وليد

رأيي الذي له قيمة كبيرة

من رأيي يا وليد ياصلاح الدين أنك مش خبيث زي الإدارة ، الأهلي قاللك الزمالك مياخدش مننا لاعيب أبدا ويتنطط علينا ، لإ إحنا نمضي مع عبدالله السعيد وبكده الزمالك بايخدش بنط علي قفانا ، وبعد كده نرميه للخليج ونكسب فيه كمان

عدد الردود 0

بواسطة:

asdmsr22

والله عيب

انت جاى على حسام غالى  علشان حضر تمديد العقد  هو كان حاضر لوحده وبعدين زى ماقلت كان المفروض الاهلى يسيبه يمشى ويقول مابنقفش على لاعب ولكن فى الاخر اللاعب علم على النادى وخد اللى هو عايزه وزيادة  وهو من الاول كان عايز  يلعب سنة فى الخليج ويرجع تانى والناس هاتهيص فى الهيصه طبعا ويقولك اعرضوا للبيع واوليكس وكده وعيب قوى فى حق النادى اللى حصل ده وبكره الايام تبين الكلام ده 

عدد الردود 0

بواسطة:

حسين محمد

الاهلي نادي كبير ولكن !!!

الاهلي يسعي بشكل مستمر مع اي لاعب يراه مناسب من اي نادي ويغريه بالمال حتي يوقع الاعب للضغط عليه بعدم التجديد لناديه واذا تعذر يطلب ادارة احد الاندية الخليجية بشراء الاعب ثم بيعة الي الاهلي ..... عملها كثيييير مع لاعبي النادي الاسماعيلي

عدد الردود 0

بواسطة:

حسام الزوقة

اية ياعم وليد

لاعب عاوز يمشي مجانا .. واحنا اللي عملناه .. يبقي اسمه اهدار مال عام .. لا هنمدد العقد ونعرضه للبيع واللي ييجي منه احسن منه

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة