خالد صلاح

برعاية سوبر كورة

سوبر كورة
عفوا.. لا يوجد مباريات اليوم

مينا جميل يكتب: صرخة حنين

السبت، 10 مارس 2018 04:00 م
مينا جميل يكتب: صرخة حنين شخص حزين أرشيفية

مشاركة

اضف تعليقاً واقرأ تعليقات القراء

صرخة حنين

بتصحى فيا الذكريات

بترجع الدمع اللى بات ..

جوه ف عنيا

بتخلى قلبى م الألم

بيعض فيا

طعم البعاد منحوت ف قلبى

ولا حد خالص حس بيا

داق المرار اللى بدوقه

ولا حس براكين الفرااق

ولا زلزلت دمعة عنيه.. ليالى شوقه

مين اللى دمه سخن نار

مين اللى صاحى ليل نهار

مين اللى قلبه ف مشرحة .. م الانتظار

ولا حد داق ولا حتى حس

يااااه ع النفااااق العقل فاااق .. ..

حتى النفس جوايا داااق

الحلم ضاااع

والبيت وقع

والعمر مليان بالوجع

بعد الهوى والعشق والدوب والدلع

قلبى اتخلع

والشوك ف اركانى اتزرع

غرقان ف عشقك

لو حتى بعد سنين فررراق 

حبك جنين

 عمال بيكبر جوه قلبى

 ..لون السحاب ف السما

صوتك ف شريانى نمااا

لو كنت ناسى

مكنتش ابقى فيكى شارد ...

ذى م أنتى ف دنيتك

تايهة وشاردة

ياريت الموت ينادينى

ياريت ف الحلم تنسينى

ياريت لحظه ولا تجينى

ياريت اقفل على إحساسى

 2000 باب

لا أشوف صورتك ولا صوتك

ف كل غياب

ياريت مسمعش كلمة كنت بعشقها

  .. تدوبنى  بدون أسباب


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة