كلمة بنسمع ناس كتير تقولها دلوقتى حتى وهم أصلا معاشوش أيام زمان، ولما تسأل حد فيهم ليه بتقول كده إجابته دايما الدولار كان بـ20 قرشا أو الجنيه كان بـ3 دولارات، والبلد كانت متقدمة ومكناش مديونين، وكنا بنصدر، وتلاقى ناس بدون فهم أو إدراك يقول يا ريت أيام الملكية ترجع.
طب بالعقل كده يا سيدى انت وهو.، هو انت أيام الملكية كنت من الاقطاعيين ولا العيلة المالكة ولا كبار رجال الدولة .
أيام الملكية مجموعة معينة فقط هى اللى كانت بتتنعم فى خيرات مصر، والدولار كان رخيص مقابل الجنيه علشان كنا بنشتغل وبننتج بجد ونصدر بجد (ملحوظة خفيفة: الشغل كان يشبه السخرة).
وكان عدد سكان مصر لا يتخطى الـ10 ملايين، وكانت أمريكا لسه لم تصبح دولة بالمعنى المعروف.
وكانت لسه بتنشأ أصلا ولا فيها اقتصاد ولا علوم ولا تنمية، وكان غالبية الشعب المصرى تحت خط الفقر برضه.
حضرتك لما تبقى بتشتغل زى زمان بجد وتنتج زى زمان بجد وبتصدر زى زمان بجد وتسبق أمريكا بجد أكيد الدولار هيبقى رخيص.
لما حضرتك يبقى عدد السكان لا يلتهم كل مقدرات الوطن ونشتغل وننتج وقتها الدولار هيرخص.
حضرتك لما مصر بدأت تصنع وتنتج بجد تم ضربها ف 56 و 67 إلى أن تحقق الانتصار العظيم فى 73، لو حضرتك عايزنا نرجع زى أيام زمان، يبقى الشعب لازم يكون زى شعب زمان.
