اللى مش عاجبه الكلام
يمشى ويقول السلّام
ليه بتاخد من حديتي
ترمى نفسك بالملام
الكلام دا عمومى خالص
أنت من غير اهتمام
دربى مش دربك نهائي
طبعى مش طبع اللئام
والسعادة مش دراهم
السعادة تكون همام
السعادة تكون فلوسك
من حلال مش من حرام
ياما خلق اتربّوا سحت
ضاعوا من بين الأنام
واللى يسرق زرع غيره
يِحيا دايما فى الظلام
شعرى فخر لكل أهلي
وان نكرت تكون مَدَامْ
أهلى همّا ولاد جاب الله
أهلى أصلا وناس كرام
اسمى محفور فى الدفاتر
يلاّ غور وسط الحطام
مهما تُمْكُرْ مهما تِحقدْ
شعرى سايرْ للأمامْ
تم أضافة تعليقك سوف يظهر بعد المراجعة