قالت رانيا فهمى الفتاة التى حصلت على حكم بحبس شاب تحرش بها، إنه أثناء ذهابها للسوق لشراء متطلبات المنزل تعرضت للتحرش وهاجمت المتحرش، مردفة: "رد فعلى طبيعى يبقى كده، وحسيت نفسى إنى حد رخيص، أى حد رايح أو جاى يلمس حتة منى، أهلى علمونى إزاى أحافظ على جسمى كويس أوى".
وأضافت خلال مداخلة هاتفية لبرنامج "العاشرة مساء"، على فضائية "دريم"، مع الإعلامى وائل الإبراشى، أنه يجب على الفتيات أن تثور ضد التحرش لأنهن صاحبات حق.
وأشارت رانيا فهمى، إلى أنها اتصلت بوالدتها، وحاولت معرفة المتحرش، ولم تتعرف عليه، ثم ذهبت إلى المستشفى لتجبير يدها، بسبب تعرضها لكدمات وتمزق فى الأربطة، موضحة أنها توصلت للمتحرش من كاميرات المراقبة فى أحد المحلات، وتم إحضار المتهم، ثم تعرضت لضغوطات للتنازل عن القضية.
وذكرت أن لها ثلاث أخوات ووالدها متوفى، لافتة إلى أن المحامى الذى أوكلته تخلى عنها لصالح المتهم مقابل 30 ألف جنيه، وطلب منها التنازل، مؤكدة أن القانون أعاد لها حقها، مردفة: "أخدت حقى".
ولفتت إلى أن المتحرش متزوج ولديه ابنة، والعامل الوحيد الذى أوصله لذلك هو سوء الأخلاق والسلوك، مشيرة إلى أنها ترتدى ملابس محتشمة.
عدد الردود 0
بواسطة:
مصري
ما هو رد فعل نقابه المحامين
اذا ثبت فعلا تواطئ المحامي مع المتحرش نظير 30 الف جنيه علي النقابه فصله ومحاكمته
عدد الردود 0
بواسطة:
ابو مريم
بنت بالف راجل
والله يارانيا انتى بنت بألف رجل ربنا يكتر من امثالك انتى نموذج للفتاة المصرية المشرفة لوطنها ولكل مصرية
عدد الردود 0
بواسطة:
مهندس/ مجدي المصري_ القاهرة ...
التحرش أول خطوة في سلم جرائم الإغتصاب ...
من شاهد حلقة أمس والفيديو الخاص بهذه الواقعة يتعجب من جرأة هذا المجرم وأباح لنفسه أن يقوم بفعل هذا ونسى أنه متزوج ..فهل سيرضى أن يفعل أحد هذا الفعل بزوجتة ؟؟ يا قضاة التحرش أو الطريق للإغتصاب ومن ثم تقع ضحية الكل مُشارك فيها سواء الشرطة أو القضاء أو حتى المجتمع الذي للأسف أصبح فيه الناس أفعالهم سلبية تجاه هذه الفئة الضالة من الشباب .وأقول للقضاة لماذا لا يتم عمل تشريع يقضي بقطع العضو الجنسي لأي متحرش ؟؟ أقسم بالله عندها لن يقترب أي حيوان من أي فتاة أو إمرأة والكل سيخضع ولن يتجرأ على هذا الفعل الفاضح .لكن للأسف يوجد عينات من المحامين الفاسدين مثل ما ذكرتة هذه الفتاة يحاول أن يصطاد في الماء العكر وطغت المادة مقابل الشرف .لذلك لو كلام الفتاة صحيح بخصوص هذا المحامي كان لابد من نقابة المحامين أن تقوم بالتحقيق مع المحامي الفاسد وتقوم بشطبه من سجل النقابة لمنع فساده..كفانا من الفاسدين الكثير ..يا قضاة لا تستهينوا بهذا الفعل .البعض منهم يلجأ لحجة مستقبل الواد ويلطم أهله الخدود ونسوا أنهم لم يربوا أبنهم وإنه هو من لم يراعي مستقبله .بل للأسف رأيت الكثير من الأمهات في الأحياء الشعبية تفرح عندما يظهر شعرتين في شنب أبنها وتفرح أكثر عندما يقوم بمعاكسة الفتيات في الشارع معتقدة أن المحروس بقى راجل وبيعاكس بنات ؟؟ أين التربية ؟؟والله لن يرتدع الشباب الفاسد إلا إذا تم تغليظ الأحكام وأولها قطع العضو الذكري لأي متحرش تثبت إدانتة .ومعاقبة أي فتاة تدعي التحرش بحبسها ..وتحية لهذه الفتاة مرة أخرى .
عدد الردود 0
بواسطة:
خالد عصفور ــ مصري بالامارات
تحياتي والسلام .....
أولا الف تحية ليكي بصراحة هوا ده رد الفعل الصح ف الموقف ده لازم يأخذ بالجزمة أي شخص قذر ري ده ... المشكلة ف الحكم ( أنا معه تماما ) بس فيه قضايا أكبر من كدة كتير بنشوف أحكام أقل من ده أزاي لا أدري ...
عدد الردود 0
بواسطة:
حازم
الى المهندس مجدي
تحياتي -كفيت ووفيت - قلنا مثل كلامك هذا عشرات المرات ولا مجيب لان الناس في وادي والطبقة العليا في وادي اخر - لا احد منهم يجلس بين المحاكم والنيابة علشان ياخذ حقه - هما بياخذوا حقوقهم ثالث ومثلث والغلابة لهم الله ثم القانون المهرتل اللي عايشين بيه
عدد الردود 0
بواسطة:
مروة
الى من يقول ان لبس هو الفتاة هو السبب ماتفسيركم فى ذالك؟
الى من يقول ان لبس هو الفتاة هو السبب ماتفسيركم فى ذالك؟
عدد الردود 0
بواسطة:
بنت مصرية
رسالة الى مجتمع سلبى !!
الفديو المصور ده رسالة مش بس للبنات ولكن للمجتمع المصرى كله , علشان الحققية رد فعل المجتمع فى مسائل التحرش وهتك العرض والأغتصاب عجيب ومستفذ , لما تقول لأى حد ان فيه بنت أو ست تعرضت للتحرش , تلقائيا وبدون أى علم بظروف الواقعة تلاقيه قالك , ماهو البنات لبسها مثير , ماهو الشباب معذور علشان مش قادر يجوز , ماهى لو كانت التزمت بالحجاب الشرعى مكانش حد قربلها, وهى ايه اللى بيمشيها فى حتة مقطوعة لوحدها بالليل ..........., وفجأة تلاقى الأية انقلبت وتحولت البنت من ضحية الى جانى ويحتول الجانى الى ضحية مغلوبة على أمرها !! للأسف بنخاف حتى نعلن ان المتحرش أيا كانت ظروفه أو أيا كان شكل أو زى الفتاة المتحرش بيها , فتصرفه ملهوش أى مبرر الا انه شاب سافل منحط عديم الخلق !! طيب الواقعة دى أهه , لبنت محجبة محشمة ماشية فى الشارع فى عز النهار فى وسط الناس , واللى تحرش بيها متجوز ومخلف !! والأغرب من كده رد فعل المجتمع اللى مكن يكون من ضمنه أهل البنت نفسهم لو البنت قالت انا هشتكى المحرش !! ما خلاص بقى بلاش فضايح , انتى كده هتفضحى نفسك وتأثرى على سمعتك , تقول ايه الناس لما تعرف ان فيه حد تحرش بيكى , يا بنتى ربنا حليم ستار وبلاش شوشرة !! مع ان المنطقى ان اللى يخاف من الفضيحة هو المجرم مش المجنى عليه !! وطبعا لأن المتحرش عارف كل ده بيتحرش بقلب جامد , ماهو عارف كويس ان أهل البنت نفسهم هيخافوا يشتكوه حتى لو تحرش بيها قدامهم !! ودى الجرائم الوحيدة اللى بيخاف فيها المجنى عليه من الفضيحة بينما الجانى بيتباهى بيها وسط الحثالة اللى هو مصاحبهم !! يا كل مواطن مصرى , التحرش جريمة , ملهاش أى مبرر , ولما بنتك تتعرض للتحرش وتقولها اسكتى بلاش فضايح , انت كده بتجرأ المحرش عليها وبتسىء لسمعها بنفسك !! لأن المحرش ده كل ما يشوف البنت دى ومعاه واحد صاحبه هيقولله انا عملت وسويت فى البنت دى !! وبالنسبة للمحامى النصاب اللى باع موكلته بتلاتين الف جنيه , فكله سلف ودين , وهيتردله فى بنته أو أخته أو زوجته , ووقتها ربنا هيبتليها برضه بحد نصاب يبيعها بتلاتين جنيه !!