فيسبوك
واتساب
كله مفارق وكله سايب..
ذكرى وسايبة الجرح صاحى..
وإللى كان اليوم معاك..
بكرا هيبقى شخص غايب..
رغم فراقه وبعده عنك..
لكنه ساكن جميع النواحى..
راح وخد قلبك معاه..
ماسبش حتى ضحكتك..
ولا ساب لقلبك نبضته..
قرر ينزل دمعتك..
وقلبك مات بمحبته..
تايه فى الليل وحيد..
راسم بكدبة ضحكتك..
وإللى قال إنك سعيد..
تحرم عليه فرحتك..
أيوا تحرم عليه..
ليه يعيش بفرحة زيف..
وأيام عمره تبقى خريف..
ده حالى وأنا راضى بيه..
لكن لغيرى مرضاهوش..
بضحك بعلو صوت..
وكل الناس ميعرفوش..
إن نفسى بس يوم..
أحس معنى ضحكتى..
وأشوف حياتى بلون ربيع..
ومـ الفرحة تنزل دمعتى..
أسوأ إحساس يتحس..
إنك تعيش بلا عنوان..
تعيش وخلاص..
وملكش فى الفرح مكان..
ولا ليك فى الناس..
إنسان..
يداوى جرح دنيتك..
ويميل بكتفه يسندك..
