واخده بالى مالتنهيده اللى طالعه تتنهد وتتأسى
من غير ما تقولى حاجة يا قلبى ولا تتحكى
فترة وهتعدى هتعدى
بس انت متستسلمش وكده هدى وعدى هتعدى
مين فينا غاوى تعبت ولا شقى غاوى
وبيصحى يرمح ويجرى فالحياة مرتاح ومدارى
ده الكل فالساقيه اتربط واتسقى بكاس الاسى
وربك هو المهون اللى بيهون علينا ويجازى
علشان هو وحده اللى شايف ومطلع مين فينا بيلعب ومين فينا بيأسى
ماهى الرحله طالت ولا قصرت هتعدى هتعدى
ومش هيبقى غير عملك وغير سعيك اللى عليه انت مجازى
فطمن نفسك واسعد هتسعد علشان انت شقيت ولا كليت وما ابدا كنت فيوم فارغ ولا هاوى
فى ناس بيجى الليل بيبقى حزين علشان خلص يومها تبص يمين تبص شمال وماتلقى
بس انت غير الغير تعبت شقيت بس الرضا والستر هنا تلقى
فقول للتنهيده روحى لبعيد يا تنهيده ويالا ارحلى عنى ارحلى
اوعاك تقلق ربك عالم بينا وكبير بيعين ديما وبيقوى
شد الحيل كده واصمد ده انت بسعيك اكيد هترزقك وهيسعدك ربى
وانا عايزاك ديما مبسوط وفرحتك تكون منورالى الخدود ومتنساش الوعود فترة وهتعدى هتعدى
بس اليقين والصبر يا قلبى وبإذن الله فترة وهتعدى هتعدى
تم أضافة تعليقك سوف يظهر بعد المراجعة