تُوبة
تُوبة إنْ كُنْت أحِبّك تاني..؟
وكُلّ ما أشُوفك قُدّامي
تِبْقَى دِ أوّل نُوبة وَاْنْساني..!
ويُوم ورا يُوم
عِشْقك صَحّاني
وعلى عِنوانك خَلّاني
بعروقي جاري إدْماني..!
توبة
توبة إنْ كُنْت أحبّك تاني..؟
وِإنْتِ النَّغْمة التايْهة بنايِ
نَفَسْ واحد عَايْشاني
وبيجري فِ ألحاني..!
وِشَفايفك نِسْمة وِنَدْهاني
أسيب الدُّنيا لدُنيا
وفِ ضِلّك جَنّة حَضْناني..!
توبة..
توبة إنْ كُنْت أحبّك تاني..؟
تِخْونك دِمْعة شَرْيَاني
بتقول عَايْزاني..؟
وقلبك مَخلوق علشاني
روحك جِوّايه
خُضرة بروحي شايْلاني
ربيع دايْم بُسْتاني..!
ليه
ليه حبْيبي
فِ حِرْماني رَفْضَاني..؟
توبة
توبة إنْ كُنْت أحِبّك تاني..؟
وإزّاىّ مِنْ تاني
وإنْتِ أوّل حُبّ جَاني
مِسْتنّيك بَيْاض شَعْري
وطرحة عُمْرَكْ زَفّاني
حبْيبى
حبْيبي الأوّل والأخْراني..؟
توبة
توبة إنْ كُنْت أحبّك تاني
وح أفضل أحِبّك وأحِبّك
أكتر وأكتر مِنْ تَاني..!
تم أضافة تعليقك سوف يظهر بعد المراجعة