الدنيا مصالح ياخسارة
النصب فاكرينه شطارة
ولا حد مرتاح ولا مرضى
الكل عايش فى مرارة
دكتور نسا وتوليد
والنصب علم مفيد
مفيش ولادة طبيعية
الجراحة راحة وفلوس بتزيد
دكتور ودايما مشغول
فى عياداته الخارجية
فى المستشفى نوم على طول
أصل المستشفى حكومية
مدرس ورايح مدرسته
عشان الدروس الخصوصية
لكل واحد مصلحته
وتموت عشانه البشرية
فلاح وبيرش سموم
عشان يزيد المحصول
والكل عايش فى هموم
إحنا بشر مش معقول
عايشين بنطحن بعضينا
وإحنا الفساد مننا فينا
بنلوم ونشكى مفيش إحساس
مات الضمير مين يحينا
التعليم ، الضمير ، المشاجرات
