سحر عثمان تكتب: ارجعلى من تانى
حاولت كتير ادارى ضعفى وهوانى
مع حب كبير عشت معاه احلا ايامى
وكنت معاه بنسى عمرى وزمانى
ساعات بتمنى يعود العمر من تاني
واعيش معاه أحلى قصة حبى وغرامى
عشت قبلك سنين ضاعت فيها احلامى
ولما جتلى جددت كل حياتى من تاني
وعدت سنين وانا بين ايديك قلبى وكياني
بس خلاص صحيت ولقيت عمرى ضاع منى
سبنى أعيش الوحدة مع ذكريات جميلة كانت بتجمعنا
كل مكان بمشى فيه بيفكرنى بساعات عشناها
وكل شوية ادور عليك بس مفيش فايدة لازم انساها
بس خلاص مبقاش بهمك
وسبتنى اعيش حزنى ولا همك
وطلبت منك نرجع من تاني
بس بكل قسوة رفضك ليا خلاني
اعيش مع نفسى مابين همى وحرماني
ودلوقتى هتكمل حياتك خلاص مع قلب تاني
واعيش انا بدموعى وحزنى واشجاني
مش هقول منك لله حبيبي
هقول ارجعلى من تاني
