فيسبوك
واتساب
عجبا يا نفسى نادينا للتعجب علامة
علامة التعجب علقنا عليها الملامة
وهى بريئة وعلينا كتبت لنا الندامة
الف تحتة نقطة تعزينا فى الشهامة
وعجبى
عجبا يا نفسى على الدنيا كلها عجب
الزور عالى والحق منسى بنا انقلب
والبهتان بهمس الباطل بقى صخب
وغاوى النصح نخلة من غير رطب
وعجبى
عجبا يا نفسى للشهرة يلهث انجذب
خلع برق الحيا والدين منه احتجب
ممثل محترف مالوش زى فى كتب
نسى صدق الانسانية منها انسحب
وعجبى
عجبا يا نفسى ليه غابت منا بسمات
لو سمعت ضحكة يتيمة فى طرقات
تقول خير مين انكتب عليه الممات
كأن الفرح محرم علينا بين الاهات
وعجبى
عجبا يا نفسى ليه الكلام بقى عطن
مات احترام الكبير فرائضنا وسنن
والصغير شايف نفسه فوق الزمن
نسينا الاديان تنشلنا من كل المحن
وعجبى
عجبا يا نفسى جينا للدنيا من تراب
له هنرجع عرايا تدوب منا الالقاب
امير جنب الغفير سوا مفيش القاب
نهشنا فى بعضنا ميعملوش الكلاب
وعجبى
عجبا يا نفسى قلت افتونى يا احباب
الكل قال جاى لنا كلنا يوم الحساب
اليوم ده مفيش ندم دا سؤال عتاب
ياناسى خلى قلبك بتوبة لربنا اواب
وعجبى
