قالوا الناس لبعضيها قلت أنا ناس مين اللى لبعضيها؟!
دا أنا شايفة الصحاب والأهل والأخوات عمالة تبعد عن بعضيها !
بقينا خايفين نقرب من بعضينا وبالعافية بنحضر مناسبات أهالينا !
دا الأخوات وربنا ما عارفة تتجمع مع بعضيها !
يا ترى المشكلة فالزمن والظروف ولا المشكلة بقيت فينا مع بعضينا !
أصل قلوبنا مبقيتش على بعضيها زى ما كانوا زمان اهالينا !
طب هو زمان ياترى مكنش فى قلوب بتعمل كده ولا كان فى عيون تحسد بعضيها ؟!
لا اكيد كان فى طبعا ولكن كان فى اكتر ايمان وبركة ورضا مجمعة الناس مع بعضيها !!
ما تسألوا نفسكوا يمكن نعرف راحت فين البركة وفين الايمان والرضا اللى كان ملينا ؟!!
يمكن لو عرفنا نعرف ليه زمان قالوا الناس لبعضيها ؟!!!
قالها زمان جاهين وهقولها انا دلوقتى تانى وعجبى
تم أضافة تعليقك سوف يظهر بعد المراجعة