أكد الرئيس عبد الفتاح السيسى، على ضرورة إعادة صياغة موازنة وزارة الصحة بمبادرات تحل المسائل، قائلًا :"علينا العمل كلنا كالإعلام وأجهزة الدولة ووزارة الصحة والتعليم العالى والتربية والتعليم.. عشان نبدأ نعمل برنامج ضخم جدا للتوعية الصحية.. مش عشان التكلفة.. لا انا عاوزك تعيش وتعيشى بصحة وسلامة لأكبر فترة ممكنة.. كل ما يكون الوزن قليل والحركة كتير كل ما تكون الصحة أفضل والعكس صحيح.. كل ما نركب التوك توك 100 متر ونتحرك قليل كل ما نتخن ونزيد ومنعرفش ناخد نفسنا وحاجات كتير".
وأضاف خلال فعاليات افتتاح عدد من المشروعات بمجالى المياه والإسكان الاجتماعى، :"انتوا محتاجين كمؤسسات الدولة والجمعيات الأهلية والعمل الخيرى ان تاخدوا بالكم من الموضوع ده ببرنامج، وليس بتوعية فقط.. ببرنامج يتعمل ونصر عليه.. حد يقولى هنخلى الرياضة مادة أساسية للنجاح؟.. المرحلة محتاجة كدا.. الناس مهتمة يودوا ولادهم بالعربية للكلية والمدارس عشان يجيبوا مجموع كويس وخلاص لكن محدش بيعلم ولاده رياضة.. الناس مهتمة يودوا أولادهم بالعربية!.. لما ابنى وبنتى يتخرجوا من الجامعة ويكون ضهره قابل يجيله انزلاق غضروفى نتيجة وزنه او عضلات جسمه الضعيفة واشياء كثيرة.. يبقى أنا كدا سلمته للحياة مظبوط؟.. لا والله . انتوا محتاجين برنامج ويمكن يكون من ضمنه الرياضة جزء فى الشهادة عشان تنزلوا وتاخدوا ولادكم وتلعبوا رياضه بيهم.. أنا بتكلم صحيح ما دام إحنا مش واخدين بالنا ومش عارفين نعملهم كدا فى مدارسنا لدرجة أن حجم الوزن فى بلدنا بالشكل".
وواصل :"عارفين يعنى ايه سمنة مفرطة وفوق الوزن .. دا ارقام كبيرة وضخمة.. دا مش 50 لـ 50"، مداعبًا رئيس الوزراء :"متزيدش فى مجلس الوزراء يادكتور".
وأضاف :"عاوزين برنامج فى الجامعات والمدارس ويكون فيه مباريات بشكل مستمر ومسابقات بشكل مستمر، ونمشى نتحرك ونعمل مسابقات للماراثون للمشى والجرى بشكل كبير ونخلى فى مراكز الشباب ناس تدعوا لهذا الأمر وتشجعه علاوة على الميادين".
وأوضح :" وزيرة الصحة لم يكن لها أن تتحدث اليوم، لكنى قلتلها اطلعى لو سمحتى عشان تتكلمى للناس وتحللى الموضوع.. وطلعت وقالت الحكاية بالأرقام لكن الارقام تتحول لحكايتنا.. 17 مليون فقط من بين 55 مليون مواطن بينهم 11 مليون لديهم بعض الأمراض قد تجتمع فى شخص واحد.. الارقام كبيرة وتعطينا مؤشر.. وكل ما ندخل ويتم ميكنة قواعد البيانات فهذا أفضل.. وأتمنى أن تنتهى الدولة من عملية الميكنة بحلول 2020 من خلال الرقابة الإدارية وأجهزة الدولة.. كل ما نقدر نصل للبيانات سنستطيع عرض النتائج أمامكم بشكل افضل.. واتصور إننا محتاجين نفكر نخلى التربية الرياضية مادة أساسية فى المدارس والجامعات عشان الناس تخلى بالها وتعطيها الاهتمام الكافى".
عدد الردود 0
بواسطة:
ده احسن قرار
الله يسلمك من كل سوء يا ريس
وده احسن قرار الناس والطلبة والأطفال كله أصبح كسول جدا وارجو ياريس الملاعب الخماسيةفى المناطق الريفية والحضرية هدوها مع أن الشباب كان بيلعب فيها على طول لان مفيش بديل الا القهاوى ا والتطرف او المخدرات
عدد الردود 0
بواسطة:
الأسكندراني
(( ياسيادة الرئيس )) !!!!
...و...و صباح الخير .....ياسيادة الرئيس ...يامن بيدك مقاليد وزمام الأمور ....النهر ...الرياحات ...الترع ...قنوات الري ...شيئ مزري ....لايوجد مثيلا له في أي بقعة في العالم ...ولا جمهورية الموز ....تلقى فيها مياه الصرف الغير صحي ...وخلفات المصانع ....بدءا من كيما بأسوان ...لمعامل البترول في رشيد ...لمصانع الأسمده بدمياط ....ومابينهما من مصانع ...حدث ولاحرج ....هذه المياه يروي بها الفلاح الأراضي الزراعيه ....فتهلك ...الأرض ...والزرع ...والضرع ....والأنسان ...والحيوان ...الا من حل !!!؟؟؟ عند سيادتكم ....مصرف ( كوتشنر ) اكبر دليلا على ذلك .....ياسيادة الرئيس ....من بيده مقاليد وزمام الأمور ....والحاكم ( الفعلي ) لمصرنا الآن ...الوضع ( كارثي ) .....فهل من تحرك من أجهزة الدوله .......ولا هذا الشأن ليس من ضمن أهتماماتكم ..........تقول لي رياضه ....أرجو أن يجد كلامي صدى لديكم أو لدى أيا من أجهزة الدوله التي (( تهمها )) صحة الأنسان المصري ......ربنا يوفقك وينور بصيرتك ...لما هو خير لمصرنا .....وطنا ومواطنين ........صباااااااح الفل .
عدد الردود 0
بواسطة:
رودس
تدريس الرياضه نظرى مبادئ كتب كليه تربيه رياضيه و توعيه من اصابات الملاعب
تدريس الرياضه نظرى مبادئ كتب كليه تربيه رياضيه و توعيه من اصابات الملاعب مثال كتاب الامن الصناعى اذى يدرس فى المدارس الصناعيه و توعيه انه جريمه ان يتجاهل اللعب بـ قوانين و يضرب زميله فى الملعب شاهدت لاعب خلف الحكم ضرب لاعب منافس بـ مضرب الهوكى في وجهه فى بورسعيد دورى انديه هناك و عندما الحكم صفر كل الاعبين هددوا الحكم بكلمه انت شفت حاجه و كانوا يمثلوا اكبر نادى فى مصر فى لعبه الهوكي ان يفكر لاعب فى لطش قدم زميله بـ عصا الهوكي جريمه بسن المضرب و فى منطقه محدده اما رياضه فى مدارس صعب ان يحمل التلاميذ ملابسهم بها رمل مكان تغير ملابسهم و ثم يلبس ملابس بها رمال على عرق اللعب ثم يجلس خمس او اربع او ثلاث حصص لان كثيرا تكون الحصه الاولى العاب و هى اقل حصه وقت لان الطابور بيتأخر فى المدارس احيانا و ملتزمين بـ توقيت ان يكفى تدريس نظرى الرياضه الموسيقى الغناء الرقص كل هذا نظرى لكى من يريد يحترف يكون من الصغر يعرف النظرى و خلص منه يعنى اتقنه حفظ النظرى و يستوعب اى تدريبات رقص او رياضه عالميه