خالد صلاح

برعاية سوبر كورة

سوبر كورة

السيسى يدعو لبرنامج ضخم للتوعية الصحية وتحويل التربية الرياضية لمادة أساسية.. الرئيس: 25% من المصريين وزنهم طبيعى والباقى عنده سمنة.. ويؤكد: المسح الطبى شمل 17 مليون مواطن حتى الآن.. و11 مليون إنسان بعافية

السبت، 15 ديسمبر 2018 12:42 م
السيسى يدعو لبرنامج ضخم للتوعية الصحية وتحويل التربية الرياضية لمادة أساسية.. الرئيس: 25% من المصريين وزنهم طبيعى والباقى عنده سمنة.. ويؤكد: المسح الطبى شمل 17 مليون مواطن حتى الآن.. و11 مليون إنسان بعافية الرئيس عبد الفتاح السيسى
كتب محمد شرقاوى - محسن البديوى

مشاركة

اضف تعليقاً واقرأ تعليقات القراء

الرئيس السيسي: مفيش دولة فى العالم تقدر تبنى 2 مليون وحدة سكنية فى 7 سنوات

 

قال الرئيس عبد الفتاح السيسى، إنه تم إجراء المسح الطبى حتى الآن على 17 مليون مواطن فى المرحلة الأولى وجزء من المرحلة الثانية ضمن مبادرة 100 مليون صحة، بينهم 700 ألف مصاب بفيروس سى، 11 مليون مصاب بأمراض غير سارية، ليصل الرقم لـ 11.7 مليون إنسان مصر يعانون مشكلات صحية وتختلف المشكلة من إنسان لآخر وقد تجتمع الأمراض فى إنسان، مستطردة: "إحنا بنعمل فى نفسنا كدا ليه؟.. 17 مليون إنسان بينهم 11 مليون إنسان بعافية بشكل أو بآخر".

 

السيسى (12)

وأضاف خلال كلمته بفعاليات افتتاح عدد من المشروعات بمجالى المياه والإسكان الاجتماعى: "قلت للدكتور وزيرة الصحة أعملى حسابك تطلعى قدام اناس عشان نحلل ما نحن فيه ونوصل الصورة أن المعيار اللى انت عاوز تطمن بيه على نفسك مش محتاج مسح.. شوف وزنك زيادة قد إيه؟ أى إنسان رجل أو ست، يشوف بطنه قد إيه، وهيعرف على طول.. دا كلام لازم نعلمه للناس فى المدارس والجامعة والكنائس والمساجد، إننا بنفقد صحتنا.. ومش عشان التكلفة المالية.. لا كل حاجة ممكن تتدبر إلا الصحة متدبرش حتى فى الإعلام ضيوفنا فى البرامج فى التلفزيون عاملين ازاى؟.. كل واحد لازم يفتش أوى.. لما ادخل مكان ببص على حاجات متخطرش على بال وأقول إيه ده وإيه الناس دى.. الناس دى مش واخدة بالها من نفسها ليه إنت بتطلع السلم كدا؟. تقدر؟. أنا بتكلم على شباب مش ناس كبار فى السن و 70 سنة".

السيسي: 25% من المصريين وزنهم طبيعى والباقى فوق الوزن وعنده سمنة

وذكر الرئيس عبد الفتاح السيسى، أن نتائج المسح الطبى لمبادرة 100 مليون صحة، يحمل مؤشر كبير، حيث إن أصحاب الأوزان الطبيعية وما أقل يقدرون بـ 25%، والباقى يعانى السمنة وزيادة الوزن.

السيسى (1)

وأضاف الرئيس خلال كلمته بفعاليات افتتاح عدد من المشروعات بمجالى المياه والإسكان الاجتماعى: "اللى عندهم وزن طبيعى وما دون 25% والباقى فوق الوزن أو سمنة مفرطة.. دا كلام؟.. دا بيتحول لأمراض تؤذى الناس وتصبح عبئا على القلب وأجهزة الجسم والمخ وقد يصاب المواطن بجلطة".

السيسى (2)

وأضاف: "قوائم انتظار بدأت من سنة وقلنا شوفوا التكلفة المالية لقوائم الانتظار قد إيه للقضاء على تلك المشكلة، فى ظل حاجة المصريين لأمر حاسم فى مشكلة الانتظار، مضيفا: "خلال التقييم كان هناك 17 ألف حالة على قوائم الانتظار.. قامت الصحة بإنهاء 5 آلاف وتبقى 12 ألفا، وتحركنا من خلالهم فى 4 أشهر وصلنا لـ 50 ألفا وخلصنا قوائم الانتظار، وخصصنا مبلغ مالى قيمته 300 مليون جنيه من وزارة الصحة و300 مليون جنيه من تحيا مصر، ليصل الرقم لـ 600 ألف حالة.. إحنا عايشين الحكاية ولازم تعيشوها معانا ولكن فوجئنا بوجود آخر ين.. لقينا نفسنا رايحين لحاجة وخمسين ألف كمان.. وتحدثت لوزيرة الصحة وقلت الكلام دا سيكون فوق طاقتنا المالية.. وكنت وعدت الناس بحل مسألة قوائم الانتظار خلال 3 سنوات.. فقلت يادكتورة إحنا رايحين فى متوسط 10 آلاف يعنى 120 ألف يعنى 360 ألف فى 3 سنوات يعنى المتوسط 50 ألف مش 100 ألف، فقالت لى الوزيرة خليهم 50 ألف، ونزلناهم، فقلت لها دا 18 مليار جنيه.. قوائم الانتظار هتكلفنا 18 مليون جنيه واحنا مكناش عاملين حسابنا على كدا، واضطررنا لأماكن آخرى عشان ننفذ وعدنا".

الرئيس السيسي: مفيش دولة فى العالم تقدر تبنى 2 مليون وحدة سكنية فى 7 سنوات

قال الرئيس عبد الفتاح السيسى، إن مبادرة القوائم الانتظار تستمر على مدى الثلاث سنوات القادمة، مضيفا: "أنا ملقتش حد فى الإعلام أبدا يتناول المسألة علشان يشكل منطق وموضوعية لدى الناس على حكاية المبادرة أيه وبتتعمل ازاى.. كل ما الدول تتقدم كل ما حجم الخدمات وتكلفتها يبقى ضخم جدا.. لكن الدول الغنية التى لا يزيد عدد سكانها لديها مشكلة فى توفير المطالب لمواطنيها".

السيسى (3)

وأضاف الرئيس السيسي، خلال افتتاحه عدد من المشروعات التنموية، أن مصر تواجه عبئا يصل 2 مليون طفل على الأقل فى العام زيادة، مضيفا أن فى مصر تم إنشاء 2 مليون وحدة سكنية فى 7 سنوات، متابعًا: "مين يقدر يعمل كده فى العالم.. لا يوجد دولة الحكومة تقوم فيها ببناء 2 مليون وحدة سكنية إلا فى دولة واحدة عدد سكانها كبير جدا.. مفيش دولة الحكومة تقوم فيها ببناء 2 مليون وحدة سكنية فى العالم.. لا يمكن". 

السيسى (4)

وتابع الرئيس: "محدش عارف الحكاية فيها إيه ومحدش عارف تكلفة الدول تمشى إزاى.. الناس بتفكر تاكل وتشرب ويدخل أطفاله مدرسة.. لكن النهاردة علشان تعمل محطات صرف صحى ومياه وكهرباء وإسكان اجتماعى داخل فى 1.6 تريليون.. مش تشوفوا الدولة دخلها كام.. والـ100 مليون دخلهم كام".

السيسى (5)

واستطرد الرئيس السيسى كلمته: "لازم نشوف المصريين من فيروس سى علشان هناك 700 ألف شخص مصاب ممكن يصيب الشخص منهم 4 أشخاص ولكن لابد من مسح فيروس سى للتخلص من الفيروس سى والدولى تبقى من الدول الأقل إصابة فى المعدلات العالمية"، مضيفا أن هناك 18 مليون طالب سيتم المسح عليهم من فيروس سى بعد الانتهاء من حملة 100 مليون صحة، مطالبا وزارة الصحة بإعادة صياغة ميزانية الوزارة وتقديم العديد من المبادرات للمواطنين".

السيسى (6)

السيسى يدعو لبرنامج ضخم للتوعية الصحية وتحويل التربية الرياضية لمادة أساسية

أكد الرئيس عبد الفتاح السيسى، على ضرورة إعادة صياغة موازنة وزارة الصحة بمبادرات تحل المسائل، قائلا: "علينا العمل كلنا كالإعلام وأجهزة الدولة ووزارة الصحة والتعليم العالى والتربية والتعليم.. عشان نبدأ نعمل برنامج ضخم جدا للتوعية الصحية.. مش عشان التكلفة.. لا انا عاوزك تعيش وتعيشى بصحة وسلامة لأكبر فترة ممكنة.. كل ما يكون الوزن قليل والحركة كتير كل ما تكون الصحة أفضل والعكس صحيح.. كل ما نركب التوك توك 100 متر ونتحرك قليل كل ما نتخن ونزيد ومنعرفش ناخد نفسنا وحاجات كتير".

السيسى (7)

وأضاف خلال فعاليات افتتاح عدد من المشروعات بمجالى المياه والإسكان الاجتماعى: "انتوا محتاجين كمؤسسات الدولة والجمعيات الأهلية والعمل الخيرى أن تاخدوا بالكم من الموضوع ده ببرنامج، وليس بتوعية فقط.. ببرنامج يتعمل ونصر عليه.. حد يقولى هنخلى الرياضة مادة أساسية للنجاح؟.. المرحلة محتاجة كدا.. الناس مهتمة يودوا ولادهم بالعربية للكلية والمدارس عشان يجيبوا مجموع كويس وخلاص لكن محدش بيعلم ولاده رياضة.. الناس مهتمة يودوا أولادهم بالعربية!.. لما ابنى وبنتى يتخرجوا من الجامعة ويكون ضهره قابل يجيله انزلاق غضروفى نتيجة وزنه أو عضلات جسمه الضعيفة واشياء كثيرة.. يبقى أنا كدا سلمته للحياة مظبوط؟.. لا والله . انتوا محتاجين برنامج ويمكن يكون من ضمنه الرياضة جزء فى الشهادة عشان تنزلوا وتاخدوا ولادكم وتلعبوا رياضه بيهم.. أنا بتكلم صحيح ما دام احنا مش واخدين بالنا ومش عارفين نعملهم كدا فى مدارسنا لدرجة أن حجم الوزن فى بلدنا بالشكل".

السيسى (8)

وواصل: "عارفين يعنى ايه سمنة مفرطة وفوق الوزن .. دا ارقام كبيرة وضخمة.. دا مش 50 لـ 50"، مداعبًا رئيس الوزراء: "متزيدش فى مجلس الوزراء يادكتور".

السيسى (9)

وأضاف: "عاوزين برنامج فى الجامعات والمدارس ويكون فيه مباريات بشكل مستمر ومسابقات بشكل مستمر، ونمشى نتحرك ونعمل مسابقات للماراثون للمشى والجرى بشكل كبير ونخلى فى مراكز الشباب ناس تدعوا لهذا الأمر وتشجعه علاوة على الميادين".

السيسى (10)

وأوضح: " وزيرة الصحة لم يكن لها أن تتحدث اليوم، لكنى قلتلها اطلعى لو سمحتى عشان تتكلمى للناس وتحللى الموضوع.. وطلعت وقالت الحكاية بالأرقام لكن الأرقام تتحول لحكايتنا.. 17 مليون فقط من بين 55 مليون مواطن بينهم 11 مليون لديهم بعض الأمراض قد تجتمع فى شخص واحد.. الارقام كبيرة وتعطينا مؤشر.. وكل ما ندخل ويتم ميكنة قواعد البيانات فهذا أفضل.. وأتمنى أن تنتهى الدولة من عملية الميكنة بحلول 2020 من خلال الرقابة الإدارية وأجهزة الدولة.. كل ما نقدر نصل للبيانات سنستطيع عرض النتائج أمامكم بشكل أفضل.. واتصور إننا محتاجين نفكر نخلى التربية الرياضية مادة أساسية فى المدارس والجامعات عشان الناس تخلى بالها وتعطيها الاهتمام الكافى".

 
 
السيسى (11)

السيسى (12)

السيسى (13)

 
السيسى (14)
 
السيسى (15)
 

مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

رودس

يجب تدريس مواد كليه تربيه رياضيه معهد السينما و معهد فنون مسرحيه و مهن موسيقيه

يجب تدريس مواد كليه تربيه رياضيه معهد السينما و معهد فنون مسرحيه و مهن موسيقيه نظري فقط يجب تدرس لان ليس معقول الطلاب تترك الفصل لـ تغير ملابسها و تتسخ فى رمل فناء المدرسه ثم تعرق فى ملابسها و تجلس عرقانه فى الفصل ان يجب و لازم تدريس نظرى الموسيقى و التمثيل لان تمثيل على السكان انها مهنه غاليه و لها اسرار عيب هكذا عيب و كانت كتب تعليم الموسيقى مختفيه من كل المكتبات كأنها اسرار و الان كتب تعليم و تدريب و تطبيق التمثيل ليست فى المكتبات لماذا ان اختفاء هذه الكتب من المكتبات فيه حقد و عبط و كلمه عبط يعنى واحد فقير خائف احد يسرق منه شغله فى التمثيل فـ يرفض ان ترى الاولاد و البنات الكتب ان كل احد حر فى اى مهنه يتقنها و المنافسه عالميه المنافسه شريفه اما اخفاء كتب عن العامه فيه حقد

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة