فيسبوك
واتساب
عجبي
على قلب اِنكسر
لكنه قوي
والناس شايفينه
ماسك لِجام الفرس
و كل شيء
على غير هيئته باين
على قوته حاسدِينه
و الأصل إنه اِنجرح
لو يقدر
كان صرخ
وفك شرايينه
تحت الرماد نار
آه يا زمن
ضحك على كل مين قال
فاهمينه
سوق
وأصوله معكوسة
كل العَجب حاضر
مليانة دكاكِينه
و الدنيا عرض و طلب
أشطر التُّجار
خسران ملايينه
من باع دفع التمن
غريبة
لو افتكرنا شاريينه !!!!
كأس الهموم
أول طعمه عسل
خدع كل اللي شاربينه
العِبرة بالنهايات
لسه الطريق ممدود
لأخره واصلينه
