قالوا عنك، قوية
وأحيانا مستقوية
والأكيد، مغرورة يا بنية.
فيك قصائد هجاء متقالة، غلبت قصائد جرير والفرزدق.
يا خبر
مغروره لا لا مش قادرة أصدق
قاسية طيب مين قساك؟!
زهره ياسمين نسمة ربيع فى يوم أغسطس حار
موجه صفا فى بحر هادر، غدار
وبعد ما الدوامة أخفت عنك نور المنار
قلبك الأبيض وعوده اللى كان أخضر، اتسقى غدر ومرار.
اخدوه من الجنة رموه فى النار
وأنت ساكتة لابسة الدمعة مبتسمة وشاكرة، وحامدة.
وبعدين
قالوا عنك، قوية
وأحيانا مستقوية
والأكيد ،مغرورة يا بنية.
معلش
قدرك كده يا بنية
