ورقة وقلم أرشيفية
مشاركة
كلامهم عمره ما يقدم
كلامهم عمره ما يأخَّر
كما الساعة
لا بتقدِّم ولا تأخر
كلام مظبوط
يشد خيوط بتتكعبل
وتتبهدل ف لقمة قوت
كلام ينبض مع حروفه
ويحسبها
كلام ينزع جدور خوفه
يقلِّبها
حروف مظبوطة ع البيكو
وع الشعرة
تقول الحق ما تخافشي
ومين يقرا
لسانى حصاني
إن صانِّى وان صنته
وكان البن متحوج
ولا معوج
لا كان سادة ولا زيادة
شربت الدنيا مظبوطة
عشان هعبر
على صراطه
مع لساني
على الشعرة
مشاركة
