جدل كبير أثارته النجمة رانيا يوسف خلال اطلالتها فى حفل ختام مهرجان القاهرة السينمائى الدولى فى دورته الـ 40 والذى أقيم أمس الخميس بدار الأوبرا المصرية، والجدل جاء على صفحات التواصل الاجتماعى بسبب جرأة الفستان الذى ارتدته رانيا يوسف فى حفل الختام والذى كان جريئا ومثيرا بشكل لم نعتد عليه من النجمات المصريات.
ومن جانبها، عبرت المذيعة منى عبد الوهاب - التى سبق وقدمت أكثر من برنامج أشهرها "مصارحة حرة" - عن استيائها من موجة الغضب والسخرية من رانيا يوسف، وعلقت على الواقعة مستعينة بفساتين مشابهة ارتدتها نجمات العالم .
رانيا يوسف
فساتين
منى عبد الوهاب على فيس بوك
وقالت منى عبد الوهاب، "الحقيقة يا جماعة إن فستان رانيا يوسف هو آخر موضات ال runway السنادى لأهم ماركات العالم و الحقيقة إنه غالي جداً .. بس الأهم من كدا إنه شكله حلو عليها و مناسب جداً لجسمها و الحقيقة برضو إنه مناسب للحدث، لأن دا الشكل الي أهم فنانات العالم بيظهروا به في أهم المهرجانات، رانيا يوسف مش داعية ولا صحفية وإعلامية ظهرت بشكل غير لائق.. رانيا يوسف فنانة ظهرت بشكل الفنانات العالميات.. إحنا بس اللي بقينا تعبانين في دماغنا".
عدد الردود 0
بواسطة:
ابو المجد
ابو المجد
مش احنا اللى تعبانين انتى اللى تعبانه فى دماغك وتفكيرك
عدد الردود 0
بواسطة:
صلاح
تفكير مغيب
فى الحقيقة اننا لا نأخذ من الغرب الا العادات والأفكار السيئة دى اسمها عقدة الخواجة وايه معنى الصور دى ? هل المقارنة دى بصور الممثلات الأجانب لازم نكون مثلهم علشان نبقى متقدمين ?بلاش العقد دى نحن دولة لها عادات وتقاليد فى حدود المعقول وبلاء التفكير المغيب وشكرآ وتحيامصر .
عدد الردود 0
بواسطة:
مسلم
مسلمون
اظهار العورة حرام فى الدين الاسلامى واذا اعترضنا على النقاب فلابد ان نقف ضد التعرى العلنى وقفة شديدة
عدد الردود 0
بواسطة:
هادي
فستان عاري
احنا اللي تعبانين في دماغنا ولا انتوا اللي تعبانين في دينكم وأخلاقكم وأدبكم , عيب عليكم بقى شوهتوا صورتنا قدام العالم كله
عدد الردود 0
بواسطة:
محمود
ابدا والله
استاذة منى عبد الوهاب .. حتى الموديلات التى ارتدتها نجمات العالم نالت انتقادات حادة جدا فى بلادهم ايضا وتم تسجيل هذه الموديلات والاطلالات بالاسوء بشهادة الاجانب نفسهم .. وراجعى اخبارهم كويس ... واحنا هنا فى مصر مالناش دعوة بحد لأن لنا تقاليدنا وقيمنا واخلاقنا .. .. اساسا من الراجل اللى يقبل ان مراته ولا اخته ولا بنته تلبس اللبس ده .. مافيش راجل يقبل بالكلام ده اساسا ..
عدد الردود 0
بواسطة:
مصريه
اراء مسخره
ياريت حضرتك تتكلمى عن نفسك لان انتى اللى تعبانه فى دماغك لان دماغك عايزه تصليح مش هكلمك عن الدين لان الدين ماينفعش نتكلم بيه مع اللى زيكوا هكلمك بالحياء اللى المفروض يكون فى الانسان اللى خلقه ربنا وعايزه اعرف من حضرتك ايه فايدة ان الواحده تبين اجزاء من جسمها هتستفيد ايه مثلا سواء صدرها او مؤخرتها او اى جزء اخر لا فائده من التعريه غير انهم يريدون اثاره الغرائز والشهره والتنطيط فى ادوار الاغراء ورانيا بقت من محبى الاغراء والتمثيل الغير هادف واثاره الفتن بين الناس سواء تمثيل او غيره وربنا يهدى الجميع مش هقول غير كده بس بقولها ياريت تراجعى نفسك برضه التمثيل المحترم ليه ناسه وفى ناس بتحب الممثل المحترم وهما اكتر من اللى بيحبوا الاغراءات ربنا يهديكى ويهدى المسلمين جميعا