فيسبوك
واتساب
مابقتش عاجب حد ولا حد عاجبنى
كل الشوارع سد والليل معذبنى
عملت إيه يا خلق، علشان تبعدوا عنى
قلبى فى حالة خنق وألمه بيوجعنى
لا قادر أشكى لحد ولا أوصف إحساسى إيه
تعبت يا دنيا بجد وقدرى انا راضى بيه
لا عارف إيه اللى جاى ولا بكرة مخبى إيه
اسماً بس حى وعمرى مش لاقيه
الحلم منى راح فى سجن ليل طويل
وسابلى كوم جراح، وقلبى ويله ويل
حواليا الدنيا سد وكل حياتى ليل
لا عارف يا ناس أسد ،لا فى دَين ولا فى جميل
بادعى وأقول يا رب، ارحمنى من العذاب
يسرلى كل صعب، وافتحلى أى باب
مابقتش عاجب حد ولا حد عاجبني
دبل فى قلبى الورد والشوك بيألمني
كل الشوارع سد والفرح خاصمني
والله تعبت بجد وحالى معذبنى .
