لساكى رمشك بيعافر ومش عارف يوصل لبر
أنا قولت زمان مستحيل تنجى مفيش بعدى مفر
أنا اللى بديت خيطك وأنا غزلتلك عقود الدر
أنا اللى رويت بميتى جدرك وأنا اللى قسيت المر
فاكرة أول ضحكة بزيادة كنت أنا سببها كالعادة
فاكرة أول نظرة وتسبيلة وأول لمسة بهوادة
يومها كان الفرح بيزورنى ووصانى ماسيبك يوم
وأنا كنت بغزل بشمس اليوم لبكرة أمل
وكانت عيونى بتمحى من السما أى ظلام وغيوم
عشان تطلع شمسك الصافيه تنور قلبى الخالى
لأجل قمراية الليل ما تتعكر وتصفى وتتغندر
لأجل النجمة ما تسطع وتلمع عمرى ما كنت اتصور
يجى يوم وتجحدى بوعودك وتقولى أنت بتتأمر
طب وأيه ياعنى هاقول البسى واسع وطويل
وإيه ياعنى لما اقولك متكلميش علان منا اصلى بغير
مش انا بردو بشر وانتى اصلك زينه وعليكى العين
ومن امتى ولهجتك بتتغير دنا يدوبك سيبك بقالى يومين
مش ندم بس اقولك عمرى ماهحب قدك ولا كمان عمرين
مش عشان حلاوتك لا بس اصلك ليكى فى القلب طريقين
طريق يعشق جمال عنيكى وطريق ينبض يدوب نبضين
ويخفق الباقى لانا قادر اللجمه ولا قادر اقول دا منين
مهو اصل انا فتحت قليبى على وجودك الحر
وقت ماكون عطشان ارتوى ولا شئ يمنعنى امُرْ
كنتى لسه بتحبى فى الحب كان العهد بنا اجمل سر
اول جواب لما قرأتيه وحفظتيه وتتضحكى وتقوللى أكر
وعيونى مصدقه عيونك وهى من الخجل بتفر
نظرتك كانت جمال وحلاوه وأمل كانت فى قلبى تسُر
ولسانك اول ماينطق كلامى ارتجف من الإحساس
معقوله هى بجمالها بتتغنى بكلامى عن كل الناس
لسانى يتلجلج وقلبى خفجته ترزع ف جلب الرأس
اكون ساعتها نفسى امتلك قلبك وعقلك كانك حتة ماس
يوقف كل تفكيرى صوتك العبير ويلغى الحواس
تقولى على لسانى...
بعد التحيه والسلام انا بعشقك من غير تفكير
بعد كل الكلام مايتقال كلامى يبتدى ويصير
شغلت عاقلى وتفكيرى وانا الشوق إليك هيطير
لو ترضى اكون حبيبك فأنا ممكن اكون بحار
اعوم فى بحرك الزاخر وفرشه ورود ازهار
وأعمل لبحرك قلبى مرسى وخلى شريانه ليك انهار
فاكره كل كل الكلام ولا نسيتى كمان الدار
اللى كنا فيها نجرى ونمرح وفيها بقيت الاسرار
صدقينى انتى كنتى قلبى بس انا كنتلك عبار
مجرد واسطه تعرفى بيها الحب وهى تجربه وحوار
لساكى بتعافرى ونفسك ارجع لك تانى اياك انا حمار
آسف لو قلبى دا هيلين انا هكون عليه جبار
اصلك انتى مش عارفه بعد مافترقنا إيه اللى صار
لالا ..يأك تكونى فاكره نهنهه وبكا ودموع ودمار
انا صحيح اتألمت مش هكدب بس قلبى اتكوى بالنار
قولت صفحه وطويتها هي كانت اول حب وفجأه طار
ايه ياعنى ياد هاتيجى غيرها وبردو الحريم اكتار
وشوى شوى سوقهم يقف ويتباعو كيف التوب أمتار
وغيرك صارو ضحايا قلبى انا وقولك سمونى بينهم الغدار
إلا اللى صانت عندى كانت اميره كملت معايا المشوار
لسه هتقولى فرصه ماديتهالك زمان سبتيها تمر
كل القيود موصوده على قلبى انا ليكى لأنفع ولا أضر
ولا انتى سيبانى على الرف محسوب عدد فى الصف
لما تحبى تندهى آجى ولما اكون راغب فيكى آخد كف
تم أضافة تعليقك سوف يظهر بعد المراجعة